Dagur B. Eggertsson hafnar því að hafa viðhaft talnaleikfimi í Kastljósi í gærkvöld er hann fór yfir þær launahækkanir sem samninganefnd borgarinnar hefur boðið í viðræðum við Eflingu um kjör ófaglærðs starfsfólks borgarinnar.
Sjá einnig: Viðar gagnrýnir orð Dags um skólafólk að safna sér fyrir heimsreisu
Dagur segir í viðtali við RÚV:
„Það er þvert á móti mjög mikilvægt að allir geri sér grein fyrir því hvað borgin er að bjóða fram í þessum viðræðum því að það hafa verið notuð svo stór orð um að það sé nánast ekki neitt.“
Dagur segir að ef samningar nást á grundvelli tilboðs borgarinnar verði það sögulegir samningar. En fólk verði að átta sig á hvað sé í boði frá borginni, í stað áframhaldandi stóryrða um að borgin sé ekki að bjóða neitt.