Kolleginn sem um ræðir heitir Meira Hot og kemur hún frá Slóveníu. Þórhildur vekur athygli á þessu í Facebook-hópnum Algjörlega óáhugaverðar stjórnmálaupplýsingar. Nafnið Meira Hot getur skilist sem blanda af íslenska orðinu meira og enska orðinu hot en enska orðið er oft notað yfir manneskjur sem eru kynæsandi.
Fólk hefur gaman að þessu í athugasemdunum undir færslu Þórhildar. „Hún er miklu meira hot í ár en hún var bara fyrir tveimur árum síðan,“ segir Sigurbjörg Erla Egilsdóttir, bæjarfulltrúi Pírata í Kópavogi. Þá veltir rithöfundurinn Illugi Jökulsson því fyrir sér hvort Meira Hot sé skyld einhverjum. „Er hún skyld konunni sem Miðflokksmenn höfðu svo mikinn áhuga á, henni Minna Hot?“ segir hann.
Þá bendir maður nokkur á að þetta gæti verið erfitt fyrir konuna og fjölskylduna hennar. „Verulega fyndið, en aumingjans konan og fjölskyldan hennar. Hún hlýtur að vera endalaus skotspónn. Það hlýtur að vera slóvenskt áramótaskaup sérstaklega tileinkað þessari fjölskyldu.“
