Bjarni Benediktsson, formaður Sjálfstæðisflokksins, á afmæli í dag. Hann er fimmtugur. Bjarna eru sendar bestu heillaóskir.
En eins og nefnt var í Silfri dagsins hafa tímarnir breyst. Stjórnmálamenn eiga dálítið undir högg að sækja, flokkshollusta og foringjadýrkun er á undanhaldi.
17. janúar 1998 varð Davíð Oddsson fimmtugur. Þá var haldin veisla í Perlunni – í skrauthýsinu sem Davíð hafði látið reisa – og komu þangað meira en 2000 gestir. Svo var gefið út mikið afmælisrit undir ritstjórn Hannesar Hólmsteins Gissurarsonar, Jóns Steinars Gunnlaugssonar og Þórarins Eldjárn.
Á kápu bókarinnar var mynd af sjálfu Stjórnarráðinu, fremst var stór tabula gratulatoria, en eftirtaldir áttu efni í bókinni:
Arnór Hannibalsson, Atli Heimir Sveinsson, Árni Grétar Finnsson, Ásdís Halla Bragadóttir, Ásgeir Pétursson, Baldur Guðlaugsson, Birgir Ísleifur Gunnarsson, Birgir Þór Runólfsson, Björn Bjarnason, Björn Sigurbjörnsson, Brynjólfur Bjarnason, Einar Már Guðmundsson, Einar Stefánsson, Eiríkur Hreinn Finnbogason, Eiríkur Tómasson, Elín Hirst, Elín Pálmadóttir, Elsa B. Valsdóttir, Erlendur Jónsson, Friðrik H. Jónsson, Geir H. Haarde, Gísli Gunnarsson, Gísli Jónsson, Glúmur Jón Björnsson, Guðmundur Heiðar Frímannsson, Guðmundur Magnússon, Guðmundur G. Þórarinsson, Gunnlaugur Sævar Gunnlaugsson, Gunnlaugur Þórðarson, Hafliði Pétur Gíslason, Hannes Hólmsteinn Gissurarson, Haraldur Ólafsson, Hjörleifur Kvaran, Hrafn Gunnlaugsson, Hreinn Loftsson, Hörður Einarsson, Hörður Sigurgestsson, Indriði G. Þorsteinsson, Jakob F. Ásgeirsson, Jóhannes Nordal, Jón G. Friðjónsson, Jón Steinar Gunnlaugsson, Jón Þórarinsson, Jónas H. Haralz, Jónmundur Guðmarsson, Kristján Þórður Hrafnsson, Kristján Karlsson, Logi Gunnarsson, Margrét Hallgrímsdóttir, Matthías Johannessen, Ólafur Björnsson, Ólafur Oddsson, Ragnar Árnason, Sigríður Dúna Kristmundsdóttir, Sigríður Á. Snævarr, Sigurður Líndal, Sigurður Pálsson, Sigurður B. Stefánsson, Stefán Baldursson, Steinunn Sigurðardóttir, Sveinn Einarsson, Sverrir Kristinsson, Tryggvi Þór Herbertsson, Valur Ingimundarson, Þorvaldur Búason, Þorvaldur Garðar Kristjánsson, Þorvaldur S. Þorvaldsson, Þór Sigfússon, Þór Whitehead, Þórarinn Eldjárn og Össur Skarphéðinsson.
Eins og áður sagði eru breyttir tímar. Upphafning leiðtoga er ekki jafn mikil og áður og máski er Bjarni heldur ekki maður sem gengst upp í slíku.
