fbpx
Mánudagur 25.maí 2020
Eyjan

Lítill stuðningur við fjárstuðning ríkisins við einkarekna fjölmiðla

Kristján Kristjánsson
Mánudaginn 20. janúar 2020 07:59

Ekki missa af Helstu tíðindum dagsins í pósthólfið þitt

Lesa nánar

Samkvæmt niðurstöðum nýrrar skoðanakönnunar, sem Zenter rannsóknir gerðu fyrir Fréttablaðið, er fjórðungur þeirra sem taka afstöðu hlynntur hugmyndum um fjárstuðning ríkisins við einkarekna fjölmiðla. Rúmlega 44% eru þessu andvíg og 30% eru hvorki hlynnt né andvíg.

Fréttablaðið skýrir frá þessu í dag. Samkvæmt frumvarpi frá Lilju Alfreðsdóttur, mennta- og menningarmálaráðherra, verður 400 milljónum veitt árlega í stuðning við einkarekna fjölmiðla að ákveðnum skilyrðum uppfylltum. Frumvarpið er nú til meðferðar hjá allsherjar- og menntamálanefnd Alþingis en umsagnarfrestur um það rann út 10. janúar.

Samkvæmt niðurstöðum könnunarinnar þá eru aðeins 32% stuðningsfólks Framsóknarflokksins hlynnt þessum hugmyndum Lilju. 42% eru þeim andvígir. Minnsti stuðningurinn við frumvarpið er hjá stuðningsfólki Sjálfstæðisflokksins en aðeins 19% þess styður frumvarpið en 55% eru því andvíg. Af stuðningsfólki Miðflokksins styðja 21% þessar hugmyndir en helmingur er þeim andvígur. Mesti stuðningurinn við þessar hugmyndir mælist hjá Samfylkingarfólki en 44% þess styðja þessi áform en 37% eru þeim andvíg. Hjá Vinstri grænum styðja 35% hugmyndirnar en 33% eru þeim andvíg. Hjá Viðreins er um þriðjungur stuðningsfólks hlynnt þessu en 38% andvíg. Hjá Pírötum eru 29% stuðningsfólks hlynnt en 45% andvíg.

„Ég fagna því að rúmur fjórðungur þjóðarinnar vill styðja við rekstrarumhverfi fjölmiðla. 55 prósent þjóðarinnar eru hlynnt eða hafa ekki mótað sér skoðun á frumvarpinu og því er hægt að una vel við það. Í síðustu viku funduðum við með sænsku fjölmiðlanefndinni og fram kom þar að stuðningskerfi af þessu tagi hefði reynst vel. Ég segi, annaðhvort höfum við hugrekki í því að styðja betur við fjölmiðla landsins eða ekki. Lengi hefur verið í umræðunni að fara í aðgerðir en fátt komið fram fyrr en nú.“

Hefur Fréttablaðið eftir Lilju Alfreðsdóttur um niðurstöður skoðanakönnunarinnar. 2.170 manns, 18 ára og eldri, voru í úrtakinu. Svarhlutfallið var 52% og voru gögnin vigtuð eftir kyni, aldri og búsetu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Bjarni tjáir sig um galla Katrínar og samskiptin við Davíð

Bjarni tjáir sig um galla Katrínar og samskiptin við Davíð
Eyjan
Fyrir 3 dögum

Bogi Nils sakaður um lögbrot – Nýtt flugfreyjufélag segist „tilbúið til umræðu“

Bogi Nils sakaður um lögbrot – Nýtt flugfreyjufélag segist „tilbúið til umræðu“
Eyjan
Fyrir 4 dögum

Brynjar skilur ekki neyslurými en vill afglæpavæða neyslu – „Þetta er bara einhver þvæla“

Brynjar skilur ekki neyslurými en vill afglæpavæða neyslu – „Þetta er bara einhver þvæla“
Eyjan
Fyrir 4 dögum

Segir óstjórn vera í fjármálum Árborgar – Tuttuguföld framúrkeyrsla

Segir óstjórn vera í fjármálum Árborgar – Tuttuguföld framúrkeyrsla
Eyjan
Fyrir 5 dögum

„Latasti þingmaðurinn kvartar yfir vinnusemi kollega síns. You can´t make this shit up“

„Latasti þingmaðurinn kvartar yfir vinnusemi kollega síns. You can´t make this shit up“
Eyjan
Fyrir 5 dögum

Þingmenn upplifa líkamlegt ofbeldi, ógnandi áreitni og fjölskyldur þeirra fá hótanir

Þingmenn upplifa líkamlegt ofbeldi, ógnandi áreitni og fjölskyldur þeirra fá hótanir