Gunnar Smári Egilsson, stofnandi Sósíalistaflokks Íslands, gagnrýnir hversu lág upphæðin er til þeirra sem þiggja fjárhagsaðstoð hjá Reykjavíkurborg, en hún nemur 201.268 krónum á mánuði. Gagnrýnir Gunnar að þeir sem þiggji slíka aðstoð geti ekki fengið tekjur með öðrum hætti; þeir fái ekki örorkubætur né eftirlaun frá Tryggingastofnun eða lífeyrissjóðum og séu gjarnan atvinnulausir, án þess þó að mega sækja um atvinnuleysisbætur:
„Í fyrra fengu um 2600 manns slíka aðstoð, en mislengi; á hverjum tíma eru um það bil 1100 manns sem fá fjárhagsaðstoð frá Reykjavíkurborg. Öllum er ljóst að engin leið er fyrir einstakling að draga fram lífið á 201.268 kr. á mánuði, engin leið er að borga fyrir fæði, klæði og húsnæði fyrir þessa upphæð,“
segir Gunnar.
Gunanr nefnir að fjárhagsaðstoðin hjá Reykjavíkurborg sé miklu lægri en „styrkur“ sveitarfélaganna til ríkustu íbúanna, þeirra sem njóti þess að útsvar sé ekki innheimt af fjármagnstekjum þeirra.
Gunnar birtir síðan töflu yfir þá sem höfðu hæstu fjármagnstekjurnar árið 2018 og umreiknar í „fátækrastyrk“:
„Ef við berum saman þau sem höfðu mestar fjármagnstekjur í fyrra þá er styrkur til hinna ríku þessi (innan sviga er hvað þetta fólk fékk mikla fjárhagsaðstoð í samanburði við hin fátæku sem leituðu til Reykjavíkurborgar til að eiga fyrir mat):
Gunnar segir einnig að Reykjavíkurborg verði af miklum skatttekjum með því að innheimta ekki útsvar af fjármagnstekjum:
„Óinnheimt útsvar frá þessum 20 er 1.415 m.kr. Það má nota það til að borga 586 manns framfærslu tólf mánuði ársins. Nú eða hækka framfærsluna úr 210 þús. kr. í 309 þús. kr. Það má segja að hin fátækustu, 1100 fátækasta fólkið í Reykjavík, fái 99 þús. kr. minna í framfærslu á mánuði svo þessi 20 geti losnað við að borga útsvar, þökk sé stjórnmálafólkinu.“