Það er fyrir nokkuð löngu síðan að ég komst að því að maður ætti að taka umsögnum á ferðavefnum Tripadvisor með gát. En það er ljóst að Tripadvisor hefur gríðarleg áhrif.
Vinur minn sem rekur veitingastað í Grikklandi sagði mér að hann hefði fengið tilboð frá óþekktum aðila. 20 jákvæðar umsagnir á Tripadvisor fyrir 250 evrur. Hann sagði nei – en það er fullt af öðrum sem segja já.
Í fréttum sem hafa birst núna í vikunni má lesa að sjöunda hver umsögn á Tripadvisor sé fölsk. Ég myndi reyndar giska á að það sé talsvert meira.
Það er til dæmis mjög athyglisvert að fylgjast reglulegameð umsögnum um veitingastaði í Reykjavík, hvernig nýjum stöðum skýtur skyndilega upp á toppinn með fjölda umsagna – maður þekkir veitingahúsaflóruna í borginni nokkuð vel og getur óhikað fullyrt: Sem borgarbúi myndi maður seint fara eftir því sem Tripadvisor ráðleggur manni um veitinghús í bænum.