Áslaug er fædd í Reykjavík 30. nóvember 1990. Hún útskrifaðist með stúdentspróf frá Verzlunarskóla Íslands árið 2010. Hún er með BA-próf í lögfræði frá HÍ en hún útskrifaðist þaðan árið 2015. Auk þess er hún með MA-próf í lögfræði frá HÍ en hún fékk það árið 2017.
Áslaug hefur starfað við ýmislegt síðustu árin. Hún var starfsmaður jafningjafræðslu Hins hússins árið 2010, blaðamaður á Morgunblaðinu 2011–2013, lögreglumaður hjá lögreglunni á Suðurlandi 2014–2015, varaformaður Æskulýðsráðs 2014–2016 auk þess sem hún var laganemi á lögmannsstofunni Juris 2016.
Áslaug hefur verið í stjórn SUS, Sambands ungra Sjálfstæðismanna, frá árinu 2011. Hún var formaður Heimdallar, félags ungra Sjálfstæðismanna í Reykjavík, 2011–2013, funda- og menningarmálastjóri Orators, félags laganema við HÍ, 2015–2016. Áslaug hefur verið ritari Sjálfstæðisflokksins síðan 2015.
Áslaug hefur verið alþingismaður Reykjavíkurkjördæmis norður síðan 2016 fyrir Sjálfstæðisflokkinn.
Hún hefur setið í fjölda nefnda og má þar nefna allsherjar- og menntamálanefnd, efnahags- og viðskiptanefnd og utanríkismálanefnd.