Samkvæmt úttekt fjármálafyrirtækisins Natixis Investment Managers og greiningarfyrirtækisins CoreData, eru kjör aldraðra í heiminum hvergi betri en á Íslandi. Frá þessu er greint í frétt svissneska blaðsins Le Temps og Björn Bjarnason, fyrrverandi dómsmálaráðherra, skrifar um á vefsíðu sinni.
„Í fréttinni í Le Temps er harmað að á Íslandi séu nú betri lífskjör fyrir eldri borgara en í Sviss. Íslendingar skipi efsta sæti á alþjóðlegri samanburðartöflu um hag lífeyrisþega sem gerð var af fjármálafyrirtækinu Natixis og greiningafyrirtækinu CoreData. Svisslendingar haldi ekki fyrsta sætinu vegna þess að þeir dragist aftur úr þegar litið sé til fr. conditions matérielles eða e. material wellbeing og á íslensku efnalegrar velsældar eldri borgara. Ísland njóti þess vegna þess heiðurs að skipa efsta sæti á heimslista yfir lífeyrisþega (GRI) 2019 sem samin hafi verið af Natixis Investment Managers og CoreData“
Niðurstaðan er byggð á ýmsum breytum og mælingum á lífsgæðum eins og sjá má á myndinni hér að neðan: