fbpx
Fimmtudagur 01.október 2020
Eyjan

Verðskuldað hjá Ragnari Kjartanssyni – Gestir hans er frábært verk

Egill Helgason
Þriðjudaginn 17. september 2019 21:46

Ekki missa af Helstu tíðindum dagsins í pósthólfið þitt

Lesa nánar

Ég átti kannski ekki von á að Guardian – þessi víðlesni fjölmiðill sem er með framúrskarandi fréttavef – myndi velja Gesti Ragnars Kjartanssonar sem besta listaverk þeirra tveggja áratuga sem eru liðnir af 21. öldinn. En samt kemur þetta ekki svo mikið á óvart. Þetta er frábært verk.

Ég sá það á sýningu í sal á Hverfisgötu. Verkið er sýnir Ragnar og vini hans njóta lífsins í stóru húsi einhvers staðar í Bandaríkjunum. Þau spila á hljóðfæri, leika tónlist. Ragnar sjálfur er í baði með gítar. Þetta er sýnt á nokkrum kvikmyndatjöldum.

Verki gerir mann glaðan. Ég man að ég fór aftur og skoðaði það. Það skapar vellíðan. Í því er kímni og gæska sem einkenna verk Ragnars. Hann vill draga áhorfandann inn í heim sem honum finnst skemmtilegur – þar sem hann nýtur lífsins.

Margt í nútímalist er ljótt og fráhrindandi. Dýrin sem Damian Hirst setur í formalín, svefnherbergi Tracey Emin, skurðirnir sem Santiago Sierra ristir á vændiskonur. Í þessum verkum birtist reiði og hatur – sem auðvitað á alveg rétt á sér – en ólíkt því hrífur Ragnar listnjótandann með sér með umvefjandi hætti, deilir með honum ástinni á lífinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 5 dögum

Viðreisn: „Meinsemd íslenskra stjórnmála er kjarkleysi „

Viðreisn: „Meinsemd íslenskra stjórnmála er kjarkleysi „
Eyjan
Fyrir 5 dögum

Þorgerður Katrín endurkjörin

Þorgerður Katrín endurkjörin