Styrmir Gunnarsson var einn af gestunum í fyrsta þætti Silfursins á haustvertíð. Í þættinum var einkum rætt um alþjóðamál, komu Mike Pence varaforseta til Íslands og vaxandi umsvif stórvelda á Norðurslóðum. Eftir langa setu á ritstjórastól Morgunblaðsins þekkja fáir menn samskipti Íslands og Bandaríkjanna betur en Styrmir.
En orkupakkan bar líka á góma. Forsvarsmenn Orkunnar okkar, með Styrmi í för, fóru á fund Guðna Th. Jóhannessonar forseta fyrir fáum dögum og skoruðu á hann að staðfesta ekki upptöku þriðja orkupakkans. Ég spurði Styrmi hvort hann ætti ætti von á því að Guðni myndi beita sér í málinu og hann sagðist ekki eiga von á því. Þeir hefðu bara átt „huggulegt spjall“ við forsetann en ekkert meira.
Styrmir kvað nei við. Hann sagðist ekki búast við því að forsetinn gripi í taumana varðandi orkupakkann. Hann tók þó fram að hann teldi að baráttunni yrði ekki lokið eftir atkvæðagreiðsluna á morgun, hún myndi bara taka á sig aðrar myndir, bæði almennt og innan einstakra flokka.
Hér má horfa á Silfrið, í seinni hluta þess er viðtal við Katrínu Jakobsdóttur forsætisráðherra.