fbpx
Fimmtudagur 01.október 2020
Eyjan

Auknar líkur á að klukkunni verði seinkað á Íslandi – Sjáðu umsagnir þjóðarinnar

Ritstjórn Eyjunnar
Þriðjudaginn 10. desember 2019 13:30

Ekki missa af Helstu tíðindum dagsins í pósthólfið þitt

Lesa nánar

Alls voru skrifaðar 1558 umsagnir um hvort seinka ætti klukkunni um eina klukkustund í samráðsgátt stjórnvalda þar sem almenningu gafst kostur á að segja hug sinn. Búið er að birta samantekt á umsögnunum á vef stjórnarráðsins.

Meirihluti umsagnaraðila var hlynntur því að seinka bæri klukkunni, en einnig voru tveir aðrir valkostir gefnir upp.

Valkostirnir voru eftirfarandi:

A – Klukkan áfram óbreytt en fólk hvatt með fræðslu til að fara fyrr að sofa.
B – Klukkunni seinkað um 1 klst.
C – Klukkan áfram óbreytt en skólar og jafnvel fyrirtæki og stofnanir hefji starfsemi seinna á morgnana.

  • Alls 56% vildu seinka klukkunni
  • Þá vildu 37% óbreytta stöðu
  • Aðeins 4% vildu óbreytta klukku en að skólar og fyrirtæki opnuðu fyrr
  • Alls 3% tóku ekki afstöðu

Niðurstöðurnar eru nokkuð ólíkar þeim er kannanir hafa leitt í ljós, þar sem afstaðan var meira afgerandi til seinkunar.

Sjá einnig: Meirihluti landsmanna vill láta seinka klukkunni

Sjá einnig:MIKILL MEIRIHLUTI ÍSLENDINGA VILL SEINKA KLUKKUNNI

Þetta sögðu flestir

Helstu sjónarmið einstaklinga sem styðja seinkun klukku nefndu eftirfarandi rök
• staðartími á að vera í takt við líkamsklukkuna
• seinkuð líkamsklukka hefur í för með sér
– klukkuþreytu
– neikvæðar heilsufarslegar afleiðingar
• niðurstöður rannsókna sýna aukinn og bættan svefn sem leiðir til
– betri heilsu
– auðveldara verður að vakna
– sparnaðar í heilbrigðiskerfinu, þ.m.t. vegna lyfjanotkunar
• taka verður tillit til barna og unglinga en seinkuð líkamsklukka hefur meiri áhrif á
þau en fullorðna
• kostir breytingar verða meiri en ókostir hennar

Þetta sögðu stofnanir og fyrirtæki

Helstu sjónarmið félagasamtaka/fyrirtækja/stofnana sem styðja seinkun klukku:

• of fljót staðarklukka er líkleg til að skekkja líkamsklukkuna og seinka henni
• Íslendingar fara seinna að sofa en aðrir Evrópubúar og sofa of stutt
– fólk sefur skemur þar sem klukkan er of fljót miðað við hnattstöðu
• neikvæðar heilsufarslega afleiðingar, rannsóknir hafa sýnt tengsl við
– offitu
– sykursýki 2
– hjarta- og æðasjúkdóma
– ónæmiskvilla
– áfengis- og tóbaksneyslu
– þunglyndi
– jafnvel dauðsföll
• rannsóknir benda til þess að stór hluti landsmanna sé með seinkaða líkamsklukku
og þar með klukkuþreytu
• unglingar og ungt fólk finna mest fyrir seinkaðri líkamsklukku
– lakari námsárangur
– brottfall úr skólum
• vísindin styðja að seinkun klukku gæti haft verulegan lýðheilsulegan ávinning
• morgunbirta bætir líðan
• félagsleg virkni og framleiðni gæti aukist
• jafnframt er hvatt til þess að:
– fræðsla um svefn og líkamsklukku verði aukin, m.a. í skólastarfi
– sveigjanleiki í vinnutíma fólks verði aukinn
– sveigjanleiki í skólabyrjun verði aukinn, sérstaklega hjá unglingum og ungu
fólki

Niðurstöður fást næsta vor

Starfshópur skipaður af heilbrigðisráðherra skilaði 31. janúar 2018 greinargerð um ávinning fyrir lýðheilsu og vellíðan landsmanna af því að leiðrétta klukkuna til samræmis við gang sólar.

Forsætisráðherra ákvað í janúar 2019 að setja málið í opið samráð í samráðsgátt stjórnvalda. Margar umsagnir voru ítarlegar og vel rökstuddar og ljóst að fólk lagði mikla vinnu í vandaðar umsagnir, samkvæmt tilkynningu.

Forsætisráðuneytið mun vinna áfram með niðurstöður samráðsins en stefnt er að því að niðurstaða fáist í kringum vorjafndægur 2020.

Samantekt um sjónarmið umsagnaraðila í samráði

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Í gær

Inga segir myndirnar sýna hið sanna – „Bölv­un sem brýt­ur niður fólk“

Inga segir myndirnar sýna hið sanna – „Bölv­un sem brýt­ur niður fólk“
Fréttir
Í gær

Fyrsti bankaræningi Íslandssögunnar ákærður – William Scobie sagður hafa ráðist á lögreglumenn

Fyrsti bankaræningi Íslandssögunnar ákærður – William Scobie sagður hafa ráðist á lögreglumenn
Eyjan
Fyrir 5 dögum

Deilurnar um Sundabraut – Mögulega önnur stórframkvæmd brýnni

Deilurnar um Sundabraut – Mögulega önnur stórframkvæmd brýnni
Eyjan
Fyrir 5 dögum

Viðreisn: „Meinsemd íslenskra stjórnmála er kjarkleysi „

Viðreisn: „Meinsemd íslenskra stjórnmála er kjarkleysi „
Eyjan
Fyrir 6 dögum

Verkalýðsforysta á villigötum – Engar lausnir, aðeins hótanir

Verkalýðsforysta á villigötum – Engar lausnir, aðeins hótanir
Eyjan
Fyrir 6 dögum

Eru dagar ríkisgluggapóstsins taldir? Bjarni leggur til rafrænt pósthólf

Eru dagar ríkisgluggapóstsins taldir? Bjarni leggur til rafrænt pósthólf