Styrmir Gunnarsson, fyrrverandi ritstjóri Morgunblaðsins, var kjörinn formaður Félags Sjálfstæðismanna um fullveldismál á stofnfundi félagsins í Valhöll í dag. Auglýsing um fundinn vakti athygli í vikunni og ásakanir um nasíska undirtóna. Í viðtali við Fréttablaðið segir Styrmir fráleitt að félagið stefni að nasisma, fasisma eða stalínisma eins og fræðimaður las í myndmál auglýsingarinnar en með henni hafi verið minnt á tíðarandann frá árinu árinu 1942.

Af myndum af fundinum að dæma er meirihluti fundarmanna karlmenn á efri árum.

„Við teljum að það sé þörf á því að stofna svona fé­lag vegna þess að allt úr liðinni tíð hverfur svona smátt og smátt í hugum fólks frá degi til dags og okkur finnst nauð­syn­legt að rifja upp þessa lykil­þætti í sjálf­stæðis­bar­áttunni og bar­áttunni fyrir yfir­ráðum á auð­lindum okkar,“ sagði Styrmir við Frétta­blaðið.