Talsverð fylgni er á milli þróunar á væntingavísitölunni og einkaneyslu til lengri tíma litið. Í sögulegu samhengi mælist nú vísitalan frekar lág ásamt því að hægt hefur talsvert á vexti einkaneyslu. Á öðrum ársfjórðungi mældist vöxtur einkaneyslu 2,2% og hefur vöxturinn ekki mælst hægari frá árinu 2013. Einnig benda aðrir hagvísar sem tengjast einkaneyslu til þess að hægja muni enn frekar á vexti einkaneyslu á næstu misserum. Þetta kemur fram í Korni Íslandsbanka.
Minnkandi væntingar íslenskra neytenda til stöðu og framtíðarhorfa í efnahags- og atvinnulífinu benda til þess að draga muni úr einkaneysluvexti á komandi misserum. Landsmenn virðast síður hyggja á húsnæðiskaup á næstunni en hins vegar fjölgar þeim sem huga að bifreiðakaupum þessa dagana.
Nýlega birt væntingavísitala Gallup mældist 86,9 stig í október. Vísitalan lækkar um 12,3 stig frá fyrri mánuði og hefur nú verið undir 100 stiga jafnvægisgildinu frá því í júlí í fyrra en jafnvægisgildið markar jafnvægi á milli bjartsýni og svartsýni neytenda.
Talsverð fylgni er á milli þróunar á væntingavísitölunni og einkaneyslu til lengri tíma litið. Í sögulegu samhengi mælist nú vísitalan frekar lág ásamt því að hægt hefur talsvert á vexti einkaneyslu. Á öðrum ársfjórðungi mældist vöxtur einkaneyslu 2,2% og hefur vöxturinn ekki mælst hægari frá árinu 2013. Einnig benda aðrir hagvísar sem tengjast einkaneyslu til þess að hægja muni enn frekar á vexti einkaneyslu á næstu misserum