„Aldrei áður á lýðveldistímanum hafa fjárlög fyrir komandi ár verið afgreidd í nóvember,“ skrifaði fjármálaráðherra Bjarni Benediktsson í færslu á Facebook í dag þar sem hann deildi sex jákvæðum atriðum úr nýsamþykktum fjárlögum fyrir næsta ár.

Atriðin voru eftirfarandi:

• Tekjuskattur lækkar um allt að 120 þúsund á ári
• Fjórir milljarðar í bætt umferðaröryggi 
• Fæðingarorlof lengt úr 9 mánuðum í 10 mánuði 
• Áfram kraftur í uppbyggingu hjúkrunarheimila 
• Nýjar þyrluf fyrir Landhelgisgæsluna 
• Tryggingargjald lækkar um 4,2 milljarða 

DV leitaði til Ágústar Ólafs Ágústssonar, þingmanns Samfylkingarinnar, sem hefur verið mjög gagnýninn á fjárlögin. Hann bendir á móti ofangreindum atriðum á þau þau neikvæðu atriði sem er að finna, eða hluti sem ekki er að finna í fjárlögum næsta árs.

„Hin hliðin á fjárlögunum:

1. Felldu tvisvar sinnum tillögur Samfylkingarinnar um fé til rannsóknar á Samherjamálinu
2. Felldu tillögur um að enginn öryrki og eldri borgari yrði undir lágmarkslaunum
3. Felldu tillögu um að vinna gegn lengstu biðlistum í sögu SÁÁ
4. Lækkuð framlög til framhaldsskóla, rannsóknarsjóðs, jafnréttissjóðs, skógræktar og til almennrar löggæslu.
5. Lækkuð framlög til hjálpartækja, endurhæfingarþjónustu og verndaðra vinnustaða öryrkja
6. Sérstök aðhaldskrafa er sett á Landspítalann og hjúkrunarheimilin
7. Endurgreiðsla vegna kvikmyndagerðar lækkuð um 30%.
8. Veiðileyfagjöldin lækkuð um helming á kjörtímabilinu.“