Auglýsing um stofnfund félags sjálfstæðismanna um fullveldismál í Morgunblaðinu í dag hefur vakið mikla athygli, en kannski ekki þá athygli sem sjálfstæðismenn hefðu viljað. Hefur myndmálið verið sagt daður við nasisma:
Benedikt Jóhannesson, stofnandi Viðreisnar, skýtur föstum skotum að Sjálfstæðisflokknum vegna málsins:
„Mér finnst gaman að sjá hvað Sjálfstæðisflokkurinn er orðinn frjálslyndur. Fyrir tíu árum óskuðum við Evrópusinnaðir sjálfstæðismenn eftir að halda fundi í Valhöll.
Það var leyft með miklum semingi, en lagt blátt bann við því að við auglýstum fundinn.
Nú er allt leyft og ekki að efa að þessi fundur verður flokknum til álitsauka, en nokkra fundarboðendur má sjá á teikningu með auglýsingunni.“
Fyrr í dag hafði formaður Viðreisnar, Þorgerður Katrín, þingmaður Viðreisnar og fyrrverandi varaformaður Sjálfstæðisflokksins, einnig tjáð sig um auglýsinguna: „Ekki beint saknaðartilfinning sem vaknar!“ sagði Þorgerður Katrín á Twitter.