Lægra endurgreiðsluhlutfall, afnám ábyrgðarmannakerfisins og lægri vextir er meðal þess sem starfshópur um endurgreiðslubyrði námslána leggur til. Ef þessar tillögu ná fram að ganga myndi það hlutfall af launum, sem lántakar greiða árlega af lánunum, lækka um tíu prósent. Lagt er til að vextir af námslánum lækki úr einu prósenti í 0,4 prósent sem myndi lækka afborganir en lánstíminn þyrfti ekki að lengjst við þá breytingu.

Fréttablaðið skýrir frá þessu í dag og Þórunn Sveinbjarnardóttir, formaður BHM, gerir grein fyrir niðurstöðum starfshópsins í blaði dagsins.

„BHM hefur árum saman barist fyrir því að endurgreiðslubyrði námslána verði létt og að ábyrgðarmannakerfið verði afnumið að fullu. Verði þessar tillögur að veruleika, sem ég ætla að vona að verði, þá eru þau baráttumál í höfn.“

Hefur Fréttablaðið eftir Þórunni.

Starfshópurinn var skipaður síðasta sumar, af forsætisráðherra, í tengslum við kjaraviðræður opinberra starfsmanna. Verkefni hópsins var að fara yfir reglur um endurgreiðslur námslána. Í tengslum við það var bent á að lántakar greiða um fjögur prósent launa sinna í afborganir af námslánum en það svarar til um einna mánaðarlauna á ári.

Fulltrúar þriggja ráðuneyta sátu í starfshópnum auk fulltrúa BHM og iðnaðarmanna.