Þriðjudagur 10.desember 2019
Eyjan

Síðasta vaxtalækkun Seðlabankans í bili?

Ritstjórn Eyjunnar
Miðvikudaginn 6. nóvember 2019 11:30

Hús Seðlabankans við Kalkofnsveg.

Ekki missa af Helstu tíðindum dagsins í pósthólfið þitt

Lesa nánar

Seðlabankinn tilkynnti í morgun að stýrivextir bankans yrðu lækkaðir um 0,25%. Vextirnir verða því 3,0% og hafa ekki verið lægri frá því að verðbólgumarkmið var tekið upp árið 2001.

Í Korni Íslandsbanka segir að lesa megi úr tikynningu Seðlabankans að um sé að ræða síðustu vaxtalækkunina í bili.

Stýrivextir hafa nú lækkað um 1,50% frá áramótum, þar af um 0,75% frá því nýr Seðlabankastjóri tók við um miðjan ágúst. Útlit er þó fyrir að þetta verði síðasta vaxtalækkunarskref bankans í bili. Spár höfðu ýmist hljóðað upp á óbreytta vexti eða lækkun og höfðum við spáð lækkun vaxta líkt og raunin varð.

Í yfirlýsingu peningastefnunefndar segir m.a.:

„Vextir bankans hafa verið lækkaðir um 1,5 prósentur frá því í vor og eiga áhrif þess enn eftir að koma fram að fullu. Lækkun vaxta hefur stutt við eftirspurn og miðað við spá bankans ætti núverandi vaxtastig að duga til að tryggja verðstöðugleika til meðallangs tíma og fulla nýtingu framleiðsluþátta.“

Lesa má úr tilkynningunni að allar líkur eru á að þetta sé síðasta vaxtalækkun bankans í bili, eða allt til loka ársins 2020

Spá minni hagvexti

Ný þjóðhagsspá Seðlabankans, sem birt var í Peningamálum í morgun, gerir ráð fyrir versnandi hagvaxtarhorfum á síðari hluta þessa árs miðað við síðustu spá. Ástæðuna má fyrst og fremst rekja til verulegs samdráttar í vöruútflutningi á þriðja ársfjórðungi. Hagvöxtur hafi þó verið meiri á fyrri hluta árs en spáð var og er því gert ráð fyrir 0,2% hagvexti á árinu öllu líkt og spá gerði ráð fyrir í ágúst.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Þrjú talin hæfust til að gegna embætti hæstaréttardómara

Þrjú talin hæfust til að gegna embætti hæstaréttardómara
Eyjan
Í gær

Þórhildur valtar yfir Heiðrúnu – Tætir í sig rökin hennar: „Þetta eru verðmætin sem við eigum að fá“

Þórhildur valtar yfir Heiðrúnu – Tætir í sig rökin hennar: „Þetta eru verðmætin sem við eigum að fá“
Eyjan
Fyrir 4 dögum

Ísland með ódýrustu heilbrigðisþjónustuna af Norðurlöndunum en lægstu framlögin – „Afleiðingarnar eru öllum augljósar“

Ísland með ódýrustu heilbrigðisþjónustuna af Norðurlöndunum en lægstu framlögin – „Afleiðingarnar eru öllum augljósar“
Eyjan
Fyrir 4 dögum

Ásmundur í jólaskapi – Sjáðu upphæð desemberuppbótarinnar

Ásmundur í jólaskapi – Sjáðu upphæð desemberuppbótarinnar