Sunnudagur 15.desember 2019
Eyjan

Að mestu leyti rétt hjá Trump, en forsagan leggur Bandaríkjunum skyldur á herðar

Egill Helgason
Miðvikudaginn 9. október 2019 15:59

Ekki missa af Helstu tíðindum dagsins í pósthólfið þitt

Lesa nánar

Það sýnir hversu Donald Trump hefur beygt Repúblíkanaflokkinn gjörsamlega undir vilja sinn ef flokksmenn samþykkja nánast möglunarlaust að bandarískir hermenn séu dregnir frá svæðum Kúrda í Norður-Sýrlandi og svo þá útlistun forsetans að innrásin í Írak 2003 hafi verið framin undir fölsku flaggi og að hún hafi verið algjört glappaskot. „Engin gjöreyðingarvopn fundust,“ tvítar Trump.

Þetta er nákvæmlega það sem andstæðingar Íraksstríðsins sögðu á sínum tíma og hafa sagt æ síðan – að innrásin í Írak hafi ekki bara verið skelfileg mistök – kannski stærsta alþjóðapólitíska glappaskot þessarar aldar – heldur hafi hún líka verið byggð á lygum og uppspuna. „Versta ákvörðun fyrr og síðar,“ segir Trump. En fyrir Repúblikana er þetta varla svo sjálfsagt, Bush, Cheney, Rumsfeld og Wolfowitz komu allir úr þeirra röðum, það var þeirra hugmynd að innrásin í Írak yrði upphafið af endursköpun Miðausturlanda – og að þeim markmiðum yrði náð með hervaldi.

Með því helltu þeir olíu á eld, hleyptu öllu í bál og brand í heimshluta þar sem ástandið var vissulega eldfimt fyrir. Borgarastríðið í Sýrlandi er afleiðing af Íraksstríðinu og það hefur líka leitt til stóraukinna áhrifa Írana – ekki síst í Írak.

Tyrkir eru þegar byrjaðir á innrás sinni á svæði Kúrda. Í hugum þeirra eru Kúrdar erkióvinurinn, ekki Isis. En þótt maður geti fallist á orð Trumps í tvítunum hér að ofan er rétt að hafa í huga hvað Colin Powell, hershöfðingi og fyrrverandi utanríkisráðherra, sagði á tíma Írakstríðsins: „You break it, you own it.

Merkingin var að ef Bandaríkin settu allt í uppnám, hefðu þau skyldu til að laga ástandið. Það hefur þeim ekki tekist þrátt fyrir 8 trilljón dollarana sem Trump segir að hafi verið eytt í hernað Miðausturlöndum.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Þorsteinn vill fá svör: Hverjir keyptu eignir Íbúðalánasjóðs? „Þetta er algjörlega ólíðandi framkoma“

Þorsteinn vill fá svör: Hverjir keyptu eignir Íbúðalánasjóðs? „Þetta er algjörlega ólíðandi framkoma“
Eyjan
Fyrir 2 dögum

Þórólfur ósáttur: Allt stopp eftir óveðrið – „Það vantar mikið upp á“

Þórólfur ósáttur: Allt stopp eftir óveðrið – „Það vantar mikið upp á“
Eyjan
Fyrir 3 dögum

Samfylkingin vill að skattrannsóknarstjóri geti ákært og sótt til saka

Samfylkingin vill að skattrannsóknarstjóri geti ákært og sótt til saka
Eyjan
Fyrir 3 dögum

Sakar Helga um bullandi vanhæfi: „Vill einmitt svo skemmtilega til að eiginkona Helga Hrafns er forstöðumaður Siðmenntar“

Sakar Helga um bullandi vanhæfi: „Vill einmitt svo skemmtilega til að eiginkona Helga Hrafns er forstöðumaður Siðmenntar“
Eyjan
Fyrir 4 dögum

Umsóknir um starf útvarpsstjóra Ríkisútvarpsins alls 41

Umsóknir um starf útvarpsstjóra Ríkisútvarpsins alls 41
Eyjan
Fyrir 4 dögum

Íslendingar byrjaðir að hamstra – Örtröð í verslanir og Vínbúðir – „Alvöru dómsdagsstemning“

Íslendingar byrjaðir að hamstra – Örtröð í verslanir og Vínbúðir – „Alvöru dómsdagsstemning“
Eyjan
Fyrir 4 dögum

Eiríkur fyrstur Íslendinga til að gegna embætti formanns EMBL

Eiríkur fyrstur Íslendinga til að gegna embætti formanns EMBL
Eyjan
Fyrir 4 dögum

Vilja aukið eftirlit og stöðva fúsk: „Heilsu og öryggi landsmanna stefnt í hættu“

Vilja aukið eftirlit og stöðva fúsk: „Heilsu og öryggi landsmanna stefnt í hættu“