Umtalaðasta sjónvarpsþáttaröðin þessa dagana er Succession, þættir um valdatafl og hjaðningavíg í ofurríkri fjölskyldu sem ræður yfir miklu fjölmiðlaveldi. Sumir telja sig sá ákveðin líkindi með þáttunum og fjölmiðlakónginum Rupert Murdoch. En þetta eru gríðarlega vel skrifaðir þættir, byggja á hröðum og snjöllum samtölum, vænum skammti af svikum, prettum og kaldhæðni.

Maður rekur augun í það í seríu númer 2 af Succession að hún byrjar á Íslandi. Ein aðalsöguhetjan, Kendall Roy, er að jafna sig eftir miklar hremmingar á heilsuhóteli á Íslandi. Mér sýnist það vera Ion hótel á Nesjavöllum.

Og þá birtist okkar ástsælasti leikari, Ingvar E. Sigurðsson – sem hefur auðvitað farið með hlutverk í fjölmörgum erlendum kvikmyndum. Kendall Roy er kallaður burt og svo kemur sena þar sem hann fer í sjónvarpsviðtal í sjálfu Ríkisútvarpinu í Efstaleiti. Það fær semsagt hlutverk í þáttaröðinni líka.