Fedon, Félag doktorsnema og nýrannsakenda við Háskóla Íslands hefur áhyggjur af íslenskum doktorsnemum, sem félagið segir eiga í miklum erfiðleikum við að ná endum saman vegna skorts á styrkjum. RÚV greinir frá þessu.
Fedon telur að sumir nemendanna séu á barmi taugaáfalls, vegna þess að mikill fjöldi doktorsnema fái ekki næga styrki, þrátt fyrir margra ára bið.
Vigdís Vala Valgeirsdóttir varaformaður Fedon hefur miklar áhyggjur af málinu var einn skýrsluhöfund í könnun sem félagið gerði nýlega, en könnun þessi sýndi fram á alvarlega stöðu málsins.
„Nemendur eru að útskrifast á töluvert lengri tíma en gert er ráð fyrir og það er mikil andleg vanlíðan sem er hægt að gera ráð fyrir að hafi skaðleg áhrif á vinnuframlag þeirra,” segir hún. „Þetta er gífurlegt álag. Maður heyrir af fólki sem er bara á barmi taugaáfalls. Ekki bara að vinna mun meira en fulla vinnu, heldur er það einnig með áhyggjur af því að það eigi ekki fyrir reikningum, eigi ekki fyrir mat og fari ekki til læknis.”
Samkvæmt könnunni starfa meira en helmingur doktorsnemanna meðfram náminu og margir í meira en 30 tíma á viku, sem á að vera mikið meira en á hinum Norðurlöndunum.
Þar að auki ályktar Fedon að átta til níu milljarða króna skortur sé á viðbótarfjármagni, ef að hægt eigi að vera að bera Ísland saman við Norðurlöndin.