fbpx
Miðvikudagur 23.október 2019  |
Eyjan

Segir Viðreisn taka sér stöðu vinstramegin við „alræmdu“ vinstristjórnina

Ritstjórn Eyjunnar
Miðvikudaginn 9. október 2019 12:08

Ekki missa af Helstu tíðindum dagsins í pósthólfið þitt

Lesa nánar

Leiðarahöfundur Morgunblaðsins skýtur föstum skotum á Viðreisn vegna hugmynda þeirra um þriggja þrepa erfðafjárskatt í dag og miðað við hvaða skoðunum Davíð Oddsson, annar ritstjóra Morgunblaðsins hefur lýst á þeim flokki, má ætla að hann haldi um penna:

„Athygli vekur að á sama tíma og fjármálaráðherra setur fram hugmyndir um að bæta við einu lægra þrepi stíga þingmenn Viðreisnar fram og kynna frumvarp um erfðafjárskatt í þremur þrepum, 10%, 15% og 20%. Með þessu tekst þeim að ganga mun lengra í þá átt að flækja skattkerfið, auk þess að leggja til að skatthlutfallið verði hækkað verulega. Hvers vegna hafa þingmenn Viðreisnar svo mikinn áhuga á að taka sér stöðu vinstra megin við vinstristjórnina alræmdu?“

Tveggja þrepa skattur

Einn þeirra fjölmörgu skatta sem vinstristjórnin lagði á milli 2009 og 2013 var erfðafjárskattur. Hann skal greiða af öllum fjárverðmætum, að frádregnum skuldum og kostnaði, er við skipti á dánarbúi renna til erfingja og hið sama gildir um fyrirframgreiddan arf. Fyrst var flatur 5% skattur, en síðan hækkaði hann í 10%.

Leiðarahöfundur Morgunblaðsins minnist á þetta í dag, en vill að skatturinn verði aflagður að fullu:

„Þennan skatt hefði að sjálfsögðu átt að færa niður í fyrra horf þegar stefnu vinstristjórnarinnar hafði verið hafnað, en var ekki gert. Nú hefur fjármálaráðherra kynnt áform um frumvarp sem ætlað er að vinda að hluta til ofan af þessari skattahækkun, en gerir það því miður ekki að fullu og mun að auki flækja kerfið. Áformin ganga út á að taka upp þrepaskipt erfðafjárskattkerfi, sem er í þeim anda sem núverandi ríkisstjórn starfar, að fjölga skattþrepum,“

segir í leiðaranum.

Um er að ræða tveggja þrepa skatt, 10 prósentin og annað fimm prósenta þrep fyrir fjárhæðir undir 75 milljónum, en fyrirframgreiddur arfur verður áfram í 10 prósenta þrepinu.

„Þessar hugmyndir eru framfaraskref, þó að smátt sé, en vonandi er að skrefið verði stigið til fulls og skattþrepið verði eitt og ekki hærra en 5%“

segir í leiðaranum.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 13 klukkutímum

Kristján Þór skipar samráðsnefnd um fiskeldi

Kristján Þór skipar samráðsnefnd um fiskeldi
Eyjan
Fyrir 13 klukkutímum

Vill leggja niður nýskipaða fjölmiðlanefnd – „Uppfyllir ekki lög um fjölmiðla“

Vill leggja niður nýskipaða fjölmiðlanefnd – „Uppfyllir ekki lög um fjölmiðla“
Eyjan
Í gær

Jón Trausti gagnrýnir Fréttablaðið harðlega – „Fræðimaður tuktaður á forsíðunni“

Jón Trausti gagnrýnir Fréttablaðið harðlega – „Fræðimaður tuktaður á forsíðunni“
Eyjan
Í gær

Leynigögn Seðlabankans: Ingibjörg fékk 18 milljónir við starfslok sín

Leynigögn Seðlabankans: Ingibjörg fékk 18 milljónir við starfslok sín
Eyjan
Fyrir 2 dögum

Kolefnisfótspor brauðs frá Samkaupum gagnrýnt – „Það frýs í helvíti áður en ég ét útlent brauð á Íslandi“

Kolefnisfótspor brauðs frá Samkaupum gagnrýnt – „Það frýs í helvíti áður en ég ét útlent brauð á Íslandi“
Eyjan
Fyrir 2 dögum

Reykjavíkurborg hyggst fegra Mjóddina – Fyrsti áfangi kostar 50 milljónir

Reykjavíkurborg hyggst fegra Mjóddina – Fyrsti áfangi kostar 50 milljónir