Þetta kemur fram í Fréttablaðinu í dag. Þar segir að samkvæmt tölum sem blaðið tók saman úr ársskýrslum 20 eftirlitsstofnunar komi í ljós að útgjöldin hafi aukist um rúm sex prósent frá 2010 til 2014. Frá 2014 til 2018 hafi þau síðan aukist um rúm 47 prósent ef miðað er við verðlag yfirstandandi árs. Í heildina hafi útgjöldin aukist um rúmlega 57 prósent frá 2010 til 2018.
Í fjárlagafrumvarpi næsta árs er gert ráð fyrir að útgjöldin aukist um 2,3 prósent en þá er miðað við bein fjárframlög úr ríkissjóði og tekjur sem skal afla með gjaldtöku.
Þegar Fréttablaðið skoðaði starfsmannafjölda eftirlitsstofnananna kom í ljós að í heildina jókst hann. Þær tölur ná yfir 14 stofnanir sem hægt var að staðfesta starfsmannafjöldann hjá. Hjá þeim störfuðu 226 manns 2010 en voru komnir í 247 í árslok 2014 og í 691 í lok síðasta árs.