fbpx
Fimmtudagur 19.september 2019  |
Eyjan

Sóknaráætlanir landshluta: Rúmum milljarði veitt til verkefna árið 2018

Ritstjórn Eyjunnar
Miðvikudaginn 11. september 2019 18:30

Ekki missa af Helstu tíðindum dagsins í pósthólfið þitt

Lesa nánar

Alls var unnið að 73 áhersluverkefnum um allt land og 588 verkefni hlutu styrki úr uppbyggingarsjóðum er námu samtals tæpum 1.107 m.kr samkvæmt samningum um sóknaráætlanir landshluta á árinu 2018. Þetta kemur fram í greinargerð stýrihóps Stjórnarráðsins um framvindu samninga um sóknaráætlanir landshluta og ráðstöfun fjármuna ársins 2018.

Markmið með sóknaráætlunarsamningum er að stuðla að jákvæðri samfélagsþróun, treysta stoðir menningarlífs og auka samkeppnishæfni hvers landshluta og þar með landsins alls. Samningar um sóknaráætlanir landshluta voru undirritaðir af ráðherra sjávarútvegs og landbúnaðar, ráðherra mennta- og menningarmála og formönnum landshlutasamtaka sveitarfélaga í byrjun árs 2015 og gilda þeir til ársloka 2019.

Með sóknaráætlunum er fé veitt til tveggja mismunandi þátta, áhersluverkefna, sem eru á ábyrgð landshlutasamtakanna og uppbyggingarsjóða, sem eru samkeppnissjóðir sem styrkja menningar- og nýsköpunar­verkefni, auk annarra verkefna sem falla að sóknaráætlunum landshlutanna. Á þessu fjórða ári samninganna var, sem fyrr segir, unnið að 73 áhersluverkefnum og nam framlag til þeirra tæpum 354 milljónum króna. Alls hlutu 588 verkefni styrki úr uppbyggingarsjóðunum, samtals að fjárhæð 497 milljónum króna.

Stýrihópur Stjórnarráðsins um byggðamál er skipaður fulltrúum frá öllum ráðuneytum og framkvæmdastjóra Sambands íslenskra sveitarfélaga. Formaður er Hólmfríður Sveinsdóttir, samgöngu- og sveitarstjórnarráðuneyti og verkefnisstjóri er Sigríður K. Þorgrímsdóttir, Byggðastofnun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Sjáðu línuritið um Ísland sem rataði ekki í kynningargögnin um OECD skýrsluna: „Hreint djöfullegt – Hvílík skömm!“

Sjáðu línuritið um Ísland sem rataði ekki í kynningargögnin um OECD skýrsluna: „Hreint djöfullegt – Hvílík skömm!“
Eyjan
Í gær

Ásmundur boðar nýjungar til íbúðakaupa: Skynsamleg leið til að komast yfir útborgunarþröskuldinn

Ásmundur boðar nýjungar til íbúðakaupa: Skynsamleg leið til að komast yfir útborgunarþröskuldinn