fbpx
Sunnudagur 13.október 2019  |
Eyjan

Bjarni: Óljósar heimildir fyrir hótunum

Ritstjórn Eyjunnar
Mánudaginn 19. ágúst 2019 09:09

Ekki missa af Helstu tíðindum dagsins í pósthólfið þitt

Lesa nánar

„Stjórnmálamenn sem hampa þeirri miður göfugu hugsjón að græða á daginn en grilla á kvöldin hafa síðustu misserin eignast nytsama bandamenn í hugsjónafólki sem sér aðild Íslands að ESB sem langtímamarkmið,“ segir Bjarni Harðarson, bóksali og fyrrverandi þingmaður, í grein sem hann skrifar í Morgunblaðið í dag.

Í grein sinni skrifar Bjarni um orkupakkann sem hann er augljóslega mótfallinn.

Bjarni segir það fullgilda skoðun að vilja aðild að Evrópusambandinu þó hann – og raunar stór hluti þjóðarinnar – sé á öndverðum meiði.

„En það er sorglegt að sjá ágæta ESB-sinna sem til þessa hafa hallast að náttúruvernd og mörgum góðum gildum verða að nytsömum sakleysingjum þeirra sem eiga græðgina eina að hugsjón. Nú kann vel að vera að áhrif orkupakkasamþykkis verði minni en svartsýnustu spár gera ráð fyrir. En hitt er enginn vafi að í þessu leikur þjóðin sér með fjöregg verðmætasköpunar og sjálfstæðis.

Kasta á milli sín fjöregginu

„Í þjóðsögum er sagt frá heimskum tröllum sem léku sér að því að kasta milli sín fjöreggi sínu og fórst sjaldan vel að sögulokum. Enginn ágreiningur er um að gríðarleg verðmæti eru fólgin í möguleikum Íslendinga til orkuframleiðslu. Að sama skapi er mikilvægt að stjórnvöld taki enga vanhugsaða áhættu þegar kemur að stjórn og tilhögun þeirra mála,“ segir Bjarni sem sat á þingi fyrir Framsóknarflokkinn árin 2007 til 2008.

„Það eru einkum sjálfstæðismenn sem fara fyrir orkupakkamálinu og hafa gert það án þess þó nokkru sinni að svara af einlægni og heiðarleika fyrir þá gagnrýni sem fram er komin. Þar skiptir þá miklu vissan um samþykki málsins sem helgast af því að ekki einungis er búið að múlbinda stjórnarþingmenn. Stjórnarandstaðan virðist að stærstum hluta bundin málinu vegna ofurtrúar á allt sem lýtur að Evrópusamvinnu og gleypir hræðsluáróður um endalok EES ef ekki verður farið að tillögu græðgismanna þingsins.“

Óljósar heimildir fyrir hótunum

Bjarni segir að í Icesave-málinu hafi legið fyrir reiðilestur og hótanir ESB og skiljanlega hafi fylgismenn ESB-aðildar ekki viljað rugga þeim báti.

„En í orkupakkamálinu eru heimildir fyrir ESB-hótunum miklu óljósari. Það er raunar vafamál að það muni nokkru breyta fyrir EES-samstarf Íslendinga þó að orkupakka þrjú verði frestað eða jafnvel hafnað. Þar er ekki hægt taka sem fullgild vitni kostaða eftirlaunaþega frá Evrópu, jafnt þó háttsettir hafi verið í eina tíð. Eftir nýlegt viðtal við forstjóra Landsvirkjunar þar sem hann hvetur til samþykkis orkupakkans er engum blöðum um það að fletta hvað það er sem dregur vagninn í þessu görótta máli,“ segir Bjarni og bætir við að þar ráði vilji „einkavæðingargæðinga“. Þeir sjái sér færi á að nota Evrópusambandstilskipanir til að sópa undir einkavæðingaráform orkufyrirtæki sem nú eru í þjóðareigu.

„Það er sjaldnast af stjórnmálalegri hugsjón sem oligarkar og banksterar heimsins vilja afnema ríkisrekstur. Drifkraftur þeirrar baráttu er hið óskemmtilega græðgiseðli að sölsa undir sig sjálfan opinberar eigur. Alla jafna hefur fótgöngulið Sjálfstæðisflokksins verið lið hinna nytsömu sakleysingja í þeirri baráttu en nú er mörgu á haus snúið. Illt er að sjá ef gamalgrónir vinstrimenn ætla nú að taka við fyrrnefndu hlutverki bergþursanna sem kasta milli sín fjöregginu.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Katrín tjáir sig um tárin: „Mér finnst það fullkomlega eðlilegt að gráta yfir þessu stóra máli“

Katrín tjáir sig um tárin: „Mér finnst það fullkomlega eðlilegt að gráta yfir þessu stóra máli“
Eyjan
Fyrir 3 dögum

Skrítið val – hálfgleymdur og umdeildur höfundur fær Nóbelinn

Skrítið val – hálfgleymdur og umdeildur höfundur fær Nóbelinn
Eyjan
Fyrir 3 dögum

Sakar Þorgerði um að nýta sér innrás Tyrkja til að „koma sjálfri sér á framfæri“

Sakar Þorgerði um að nýta sér innrás Tyrkja til að „koma sjálfri sér á framfæri“
Eyjan
Fyrir 3 dögum

Var Ísland risavaxin peningaþvottastöð ? – Segir Bjarna ekki skilja samhengið – „Dálítið vandræðalegt“

Var Ísland risavaxin peningaþvottastöð ? – Segir Bjarna ekki skilja samhengið – „Dálítið vandræðalegt“
Eyjan
Fyrir 3 dögum

Ísland fellur niður listann um samkeppnishæfi ríkja

Ísland fellur niður listann um samkeppnishæfi ríkja
Eyjan
Fyrir 3 dögum

Kallar eftir aukinni aðstoð fyrir barnaníðinga – „Brýnt er að þeir upplifi sig sem hluta af heildinni“

Kallar eftir aukinni aðstoð fyrir barnaníðinga – „Brýnt er að þeir upplifi sig sem hluta af heildinni“
Eyjan
Fyrir 4 dögum

Flugsérfræðingur klórar sér í kollinum yfir WOW 2: „Ekkert af þessu gengur upp“

Flugsérfræðingur klórar sér í kollinum yfir WOW 2: „Ekkert af þessu gengur upp“
Eyjan
Fyrir 4 dögum

MMR: Framsókn, Píratar og VG missa fylgi – Miðflokkurinn á góðri siglingu

MMR: Framsókn, Píratar og VG missa fylgi – Miðflokkurinn á góðri siglingu