Píratar felldu tilllögu um að gera það að stefnu sinni að efna til þjóðaratkvæðagreiðslu um orkumálstefnu ESB. Viljinn greinir frá þessu en niðurstöður kosningarinnar og umræður um tillöguna má má sjá hér.
Tillagan er á þá leið að Píratar álykti að setja skuli í þjóðaratkvæðagreiðslu öll lög er tengjast innleiðingu á orkumálastefnu Evrópubandalagsins og þingmönnum beri að fylgja þeirri afstöðu sem þjóðin tekur í slíkri kosningu.
Í kosningakerfi Pírata greiddu 70 atkvæði gegn tillögunni en 49 voru með henni. Í umræðum um tillöguna sagði Alexandra Briem, borgarfulltrúi Pírata:
„Ég persónulega held að þetta mál sé sérstaklega óheppilegt í þjóðaratkvæðagreiðslu.Fyrir hið allra fyrsta vil ég hafa skýrar reglur um hvernig megi skjóta málum í slíka kosningu, en ekki að það sé happa-glappa eftir því hvenær það hentar valdhöfum hverju sinni, það fyrirkomulag er mjög viðkvæmt fyrir lýðskrumi og hræðsluáróðri.Í öðru lagi, þá er um að ræða langt ferli, þar sem við höfum átt í viðræðum um langt tímabil og fyrirvarar til að biðja um breytingar eru löngu liðnir, synjun á þessu stigi myndi hafa töluvert af slæmum afleiðingum fyrir samningsaðila okkar, þar sem ef við hefðum töluverðar áhyggjur, þá höfðum við ansi langan tíma til að viðra þær og fá breytingar. Og við gerðum nokkuð af því..
Þeir sem tala núna hæst gegn þessu á þingi sátu sumir hverjir í valdastólum á þeim samningstíma, en virtist ekki liggja á að fella þetta þá.“