Talsmaður Félags eggja-, svína- og kjúklingabænda á Íslandi, Sigmar Vilhjálmsson, betur þekktur sem Simmi Vill er sár út í Ólaf Stephensen framkvæmdastjóra Félags atvinnurekenda.

Ólafur birti á dögunum skoðanapistil á Vísi þar sem hann tjáði sig um Simma, sem hann sagði haf farið ranglega með staðreyndir í Útvarpsviðtali á Bylgjunni. Ólafur sagði meðal annars að Sigmar hefði þurft að kynna sér málið betur, en erjur þeirra varða inn og útflutning á kjöti.

„Hefði nýi talsmaðurinn ekki þurft að lesa sér betur til áður en hann réðist svona beint á eigin félagsmenn og þeirra óábyrga innflutning?“

Sigmar svarar

Í dag svaraði Sigmar gagnrýni Ólafs í skoðanapistli sínum á Vísi.

„Hann gefur í skyn að undirritaður hafi farið með rangt mál í viðtalinu um að í Tollasamningum sé búið að semja um 12% af allri innlendri neyslu á kjúklinga- og svínakjöti.“ segir í pistli Sigmars.

„Þær tölur sem hann hins vegar vísar í eru rauntölur innflutnings fyrir árið 2018,“

Simmi færir rök fyrir orðum sínum og segir tollkvóta hafa áhrif á það hvaða prósentutala kemur upp.

„Ástæðan fyrir því að þær tölur eru hærri en reikna má út úr Tollasamningum má rekja til „Opinna Tollkvóta“ sem hækka þetta hlutfall. Það er því ekki rangt sem undirritaður sagði að búið sé að semja um 12% af allri innlendri neyslu á kjúklinga- og svínakjöti.“

„Hann mun líklega komast fljótt að því að svo er ekki“

Sigmar heldur því fram að bráðlega muni Ólafur komast að því að hann hafi litið frammhjá staðreyndum í skrifum sínum.

„Hann velur að heyra ekki það sem sagt er og gefur í skyn að ég hafi ekki kynnt mér málið. Hann mun líklega komast fljótt að því að svo er ekki.“

„Aðrar tilvitnanir hans í greininni, úr viðtalinu, skipta umræðuna engu máli og því þarf ekki að vitna frekar í það.“

Sigmar heldur því líka fram að Ólafur, ásamt félagi atvinnurekenda geri hluti tortryggilega, þó þér séu það ekki samkvæmt Sigmari.

„Í greininni bendir hann á þá staðreynd að íslenskar afurðastöðvar eru stærstu innflytjendur á erlendum kjötafurðum hingað til lands. Það er hárrétt. Ólafur og félag atvinnurekenda hafa gert það tortryggilegt í umræðunni.“

„Málflutningur Ólafs og félags atvinnurekenda er að bændur og afurðarsöðvar séu ekki samkvæmar sjálfum sér þar sem þær eru sjálfar að flytja inn kjötafurðir frá Evrópu.“

Sigmar segir FESK (e. Félag eggja-, svína- og kjúklingabænda á Íslandi) ekki á móti innflutningi nema á þeim vörum sem Íslendingar séu ekki fullfærir um að framleiða sjálfir.

Gefur í skyn að Ólafur sé að vernda hagsmuni ákveðinna fyrirtækja

Sigmar gefur í skyn að Ólafur sé að reyna að vernda arðsemi ákveðinna fyrirtækja þvert á hag samfélagsins.

„Hvaða hagsmuna er Ólafur og félag atvinnurekenda að gæta? Er það arðsemi nokkurra fyrirtækja í félagi atvinnurekenda?“

„Er það mikilvægara en samfélagsleg ábyrgð, innlendur virðisauki, kolefnisspor og heilnæmi í fæðu okkar íslendinga?“

Simmi deildi pistli sínum á Facebook-síðu sinni með textanum „Það er fátt sem særir réttlætiskennd mína meira en dylgjur og útúrsnúningur. Þá er gott að segja hlutina eins og þeir eru.“