Kári Stefánsson birti harðorðaðan pistil í dag sem fjallaði um Sigmund Davíð og þá stjórnmálaleiki sem hann hefur verið að spila. Þar fjallaði hann meðal annars um greinaskrif Sigmundar í Morgunblaðinu.

Sigmundur Davíð svaraði fyrir sig á Facebook-síðu sinni í dag.

„Fyrir skömmu birti ég tvær greinar um áhrif ímyndar- eða sýndarstjórnmála.
Ég sé að einhverjir hafa tekið því illa sem von var. Einu sinni sem oftar tjáir sýndarfólkið sig þó um eitthvað allt annað en raunverulegt innihald. Þeirra á meðal er Trump okkar Íslendinga sem enn virðist haldinn þráhyggju gagnvart mér. Sá virtist ekki hafa kynnt sér innihald greinarinnar frekar en margt annað sem hann tjáir sig um.“

Þar sem Kári birti gagnrýnina í dag, sem fjallaði að mörgu leyti um þessar tvær greinar, þá má gera ráð fyrir því að Sigmundur sé hér að líkja Kára við Bandaríkjaforsetann Donald Trump.

Ásgeir Berg heimspekinemi gagnrýndi þessi ummæli Sigmundar á Twitter.

„Kári Stefánsson kallaði SDG trumpískan, svo Sigmundur kallar Kára „Trump okkar Íslendinga“. Það er örugglega hægt að segja margt um Kára, en ég held að ég geti varla ímyndað mér verri lýsingu en að kalla hann Trump. Hvað með „Viktor Frankenstein okkar Íslendinga“ eða eitthvað?“

Hér fyrir neðan má sjá færslu Sigmundar í heild sinni.

https://www.facebook.com/sigmundurdavidgunnlaugsson/posts/1309373162559063

Hvað finnst þér lesandi góður, er Sigmundur að líkja Kára Stefánssyni við Trump?