fbpx
Þriðjudagur 22.september 2020
Eyjan

Jo Swinson gegn Boris Johnson

Egill Helgason
Mánudaginn 22. júlí 2019 21:49

Ekki missa af Helstu tíðindum dagsins í pósthólfið þitt

Lesa nánar

Enginn veit hvað átt hefur fyrr en misst hefur? Skyldi það verða raunin með Theresu May þegar hún lætur af embætti forsætisráðherra Bretlands seinna í vikunni. May hefur reyndar verið fangi nokkuð stóryrtra yfirlýsinga sem hún gaf um Brexit í upphafi valdatíðar sinnar, hún boðaði til kosninga þar sem hún hélt að hún myndi vinna með yfirburðum – en endaði með því að hún þurfti að reiða sig á stuðning harðlínu mótmælendatrúarflokks frá Norður-Írlandi.

Samt hefur May á sinn hátt virkað ærleg – hún hefur verið að reyna sitt besta til að ná þolanlegum samningi við Evrópusambandið. En þar hefur hún átt í höggi við hörðustu Brexit-sinnana í flokki sínum sem mega vart heyra minnst á neina málamiðlun.

Boris Johnson tekur við sem forsætisráðherra seinna í vikunni. Hann er orðheppinn, kann latínu og grísku, einkaskóladrengur, en þykir fjarskalega mikill tækifærissinni. Menn vita varla við hverju er að búast af honum, en hann ætlar út úr ESB 31. október með góðu eða illu.

Sir Simon Jenkins, hinn hárbeitti dálkahöfundur sem eitt sinn var ritstjóri The Evening Standard og síðar The Times, segir að í breska þinginu sé ekki að finna neinn meirihluta fyrir samningslausu Brexit – slíkt séu einungis hugarórar Johnsons.

Brexit gæti í raun þróast út í meiriháttar stjórnskipunarkreppu, því Johnson hefur hugleitt að láta þingið vera í fríi meðan Bexit verður að veruleika – margir telja að í þingræðisríki eins og Bretlandi jafngildi það valdaráni.

En Jenkins segir að á næstunni verði Johnson umkringdur embættismönnum sem sýni honum fram á að hann verði að semja. Til þess þarf hann að fara til Dyflinnar og lofa Leo Varadkar, forsætisráðherra Írlands, að landamærunum milli Írska lýðveldisins og Norður-Írlands verði haldið opnum. Það þýði í raun áframhaldandi tollabandalag. Annars muni þingið rísa gegn honum.

Það hefur farið minna fyrir því en annar flokksleiðtogi er að taka við í Bretlandi nú í vikunni. Það er hin 39 ára Jo Swinson sem verður formaður flokks Frjálslyndra demókrata. Á sinn hátt er hún áhugaverðari en Johnson, ung kona, ekki úr neinni forréttindastétt eins og Johnson. Frjálslyndir demókratar hafa verið í vandræðum síðan þeir voru í samsteypustjórn með Íhaldsflokknum en nú hafa þeir vind í seglin vegna eindreginnar andstöðu við Brexit – á sama tíma og Corbyn, leiðtogi Verkamannaflokksins, tvístígur stöðugt.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 4 dögum

Sólveig svarar fullum hálsi – „Hörður virðist, eins og því miður allt of margir, ekki alveg nógu klókur“

Sólveig svarar fullum hálsi – „Hörður virðist, eins og því miður allt of margir, ekki alveg nógu klókur“
Eyjan
Fyrir 4 dögum

Opið bréf með áskorun til ráðherra – Verið að draga úr stuðningi við nýsköpun á landinu öllu

Opið bréf með áskorun til ráðherra – Verið að draga úr stuðningi við nýsköpun á landinu öllu
Eyjan
Fyrir 5 dögum

Efling sakar ASÍ um að taka þátt í „tækifærissinnaðri sérhagsmunagæslu“ Icelandair

Efling sakar ASÍ um að taka þátt í „tækifærissinnaðri sérhagsmunagæslu“ Icelandair
Eyjan
Fyrir 5 dögum

Katrín bregst við gagnrýninni – „Það eru 368 einstaklingar, fjölskyldur og börn sem hafa hlotið vernd hér á þessu ári“

Katrín bregst við gagnrýninni – „Það eru 368 einstaklingar, fjölskyldur og börn sem hafa hlotið vernd hér á þessu ári“
Eyjan
Fyrir 6 dögum

Bæjarfulltrúi segir fulla ástæðu til að rasskella aðra fulltrúa – „Svona hefur þetta verið um langt árabil“

Bæjarfulltrúi segir fulla ástæðu til að rasskella aðra fulltrúa – „Svona hefur þetta verið um langt árabil“
Eyjan
Fyrir 6 dögum

Gefur lítið fyrir auglýsingaherferð – „Jafn neyðarlegt að horfa á þau og afhendingu Grímuverðlauna“

Gefur lítið fyrir auglýsingaherferð – „Jafn neyðarlegt að horfa á þau og afhendingu Grímuverðlauna“