Tveir menn eru grunaðir um að hafa dregið að sér um þrjár milljónir króna og hafa þeir verið kærðir til lögreglunnar í Vestmannaeyjum. RÚV greinir frá þessu
Jón Pétursson, framkvæmdastjóri fjölskyldu- og fræðslusviðs Vestmannaeyjabæjar sagði í samtali við RÚV að eftir uppgötvun málsins hafi báðir mennirnir verið reknir.
Fjárdrátturinn fór fram í störfum mannanna fyrir endurvinnsluna í Heimaey en Jón telur að fjárdrátturinn hafi staðið yfir í töluverðan tíma.
Búið er að taka skýrslu af mönnunum og rannsókn málsins er nú í gangi.
Heiðar Hinriksson, lögreglumaður í Vestmannaeyjum segir að erfitt sé að segja nákvæmlega til um það hvenær rannsókn málsins ljúki.
Auk þess er ekki hægt að segja til um það hvort málið verði fellt niður eða ákært en rannsókn málsins mun afhjúpa það.
