Þetta eru öll ósköpin. Strákvesalingur, kannski undir áhrifum áfengis, að leika fréttamann fyrir framan farsímann sinn – lætur eins og uppþvottabursti sé hljóðnemi. Heilt myndskeið má sjá á vef RÚV.

Hann ku vera frá Belgíu. Á Facebook síðu hans dynja nú skammir og hótanir. Honum er óskað dauða og sagt að best væri að móðir hans fengi krabbamein. Kannski er strákgarmurinn í lífshættu.

Það er fimbulfambað á netinu að þetta sé rasískt athæfi, en myndin sýnir að svo er ekki. Þetta er bara misheppnað sprell sem menn hafa tekið og gert að einhverju stórmáli – aðallega vegna þess að þeir þrá að vera í móðgunarham.