Áslaug Arna Sigurbjörnsdóttir, ritari og þingmaður Sjálfstæðisflokksins, hefur verið milli tannanna á Ragnari Önundarsyni síðustu misserin. Eyjan greindi frá því þegar Ragnar, fyrrverandi bankastjóri Iðnaðarbankans, sagði hana vera „sætan krakka“ og að Sjálfstæðisflokkurinn hefði ekki verið heppinn í sínum kvennamálum.
Taldi Áslaug að áhugi Ragnars á sér væri óeðlilegur, en hann hafði fyrir tveimur árum gagnrýnt mynd sem hún birti á samfélagsmiðlum.
Eyjan greindi einnig frá því að Áslaug sagðist í viðtali á útvarpi 101, í þættinum Þegar ég verð stór, að hún vildi einn daginn verða forsætisráðherra.
Sú frétt er tilefni eftirfarandi skrifa Ragnars í gær:
„Af hverju liggur svona mikið á ? Þeir sem sækjast eftir æðsta frama á ungum aldri eiga ekki að fara á þing, þeir eiga að fara til sálfræðings.“
Áslaug Arna er 28 ára og var kosin á þing árið 2016. Hún er yngsti starfandi þingmaðurinn.
Í athugasemdakerfi Ragnars er hann spurður hversu gamall hann hafi verið þegar hann varð bankastjóri:
„Ég varð bankastjòri 32 ára. Það kom ekki til af góðu, dauðsfall fyrirrennara. Það var ansi snemma, en með góðra manna hjálp blessaðist þetta.“
Sjá einnig: Ragnar gerði það aftur:„Glæsilegasta konan er varaformaður og sætasti krakkinn ritari“
Sjá einnig: Áslaug Arna um „óeðlilegan áhuga Ragnars:„Hvað næst? #ekkiveraragnar“
Sjá einnig: Ragnar útskýrir ummæli sín:„Nokkrar viðkvæmar sálir hafa hrokkið í varnarstöðu“
Sjá einnig: Ragnar um Sjálfstæðisflokkinn:„Ekki beinlínis verið heppinn í sínum ,,kvennamálum” í seinni tíð, er það?“