Eftir fjöldamorðin skelfilegu í Christchurch á Nýja Sjálandi 15. mars, sagði í leiðara í The Economist að nú þyrfti að líta á hryðjuverk hvítra þjóðernissinna sem alþjóðlega ógn. Hryðjuverkamaðurinn hefði verið einn að verki en hann væri hluti af hreyfingu sem teygði anga sína út um allan heim. Hugmyndirnar á bak við verknaðinn hefðu náð mikilli útbreiðslu.
Maður getur ekki annað en skoðað í þessu ljósi námskeið sem á að fara fram á Grand hótelinu um helgina. Þar verður meðal annars kynntur „vopnaburður“– nokkuð sem okkur Íslendingum frekar framandi, sem betur fer. Þetta orð er beinlínis notað í kynningu á fundinum, en þangað koma fulltrúar frá fyrirbæri sem nefnis European Security Academy.
Þessi grein í Stundinni vekur mann til umhugsunar. hverjir eru það sem standa að þessu námskeiði? Hverjir ætla að sækja það? Og til hvers?
Fréttablaðið reyndi að grafast fyrir hverjir standa á bak við þetta en forsvarsmaður námskeiðsins neitaði að gefa upp nafn sitt. Það er ekki traustvekjandi. Myndin hér að ofan er úr kynningarefni frá European Security Academy. Lítur ekki beint út fyrir að vera eitthvað sem við viljum fá hingað til lands.
