Óli Björn Kárason, þingmaður Sjálfstæðisflokksins, ritar grein í Morgunblaðið í dag, þar sem hann óttast að á Íslandi sé að verða til tvöfalt heilbrigðiskerfi:

„Tvö­falt heil­brigðis­kerfi, þar sem hinir efna­meiri geta keypt betri og skjót­ari þjón­ustu hef­ur verið eit­ur í bein­um okk­ar. Ég hef í ræðu og riti haldið því fram að yf­ir­gnæf­andi meiri­hluti okk­ar Íslend­inga líti svo á að í gildi sé sátt­máli – sátt­máli þjóðar sem ekki megi brjóta: Við höf­um sam­mælst um að fjár­magna sam­eig­in­lega öfl­ugt heil­brigðis­kerfi þar sem all­ir geta notið nauðsyn­legr­ar þjón­ustu og aðstoðar án til­lits til efna­hags eða bú­setu. Ég ótt­ast að það sé að molna hratt und­an sátt­mál­an­um. Hægt en ör­ugg­lega er tvö­falt heil­brigðis­kerfi að verða til á Íslandi.“

Óli nefnir síðan dæmi um biðlista hjá Landspítalanum og að heilbrigðisyfirvöld hafi komið í veg fyrir að Sjúkratryggingar Íslands gerðu samning við Klíníkina, með þeim afleiðingum að sjúklingar þurfi sjálfir að greiða fyrir þjónustuna. Þeir sem ekki hafi efni á því þurfi að bíða svo mánuðum skipti eftir bót meina sinna. Því sé það öfugsnúið að meðan biðlistar séu í liðskiptiaðgerðir hér á landi, neiti yfirvöld sjúklingum um að nýta þjónustu einkaaðila og sendi þá þess í stað úr landi, fyrir mun hærri kostnað.

Að lokum segir Óli Björn:

„Hug­sjón­in sem ligg­ur að baki ís­lenska heil­brigðis­kerf­inu um aðgengi allra að góðri og nauðsyn­legri þjón­ustu verður merk­ing­ar­laus þegar al­menn­ing­ur sit­ur fast­ur á biðlist­um rík­is­ins og horf­ir á þá efna­meiri kaupa þjón­ustu einkaaðila. Óskil­getið af­kvæmi rík­i­s­væðing­ar allr­ar heil­brigðisþjón­ustu er tvö­falt kerfi. Gegn því mun ég berj­ast.“

Er Óli Björn Kárason eitthvað að grínast?

Björn Leví Gunnarsson, þingmaður Pírata, segir að Óli Björn geti litið sér nær, þar sem búið sé að vara við þessari þróun í mörg ár og Sjálfstæðisflokkurinn hafi lengi farið með heilbrigðisráðuneytið. Hann gefur einnig í skyn að hið tvöfalda kerfi, þar sem hinir efnameiri geti keypt sér betri og skjótari þjónustu, sé samkvæmt skipulagi:

„Er Óli Björn Kárason eitthvað að grínast?

Það er búið að vara við þessu í mörg ár á meðan sjallar hafa nokkurn vegin alltaf verið í stjórn.

„Hægt en örugglega er tvöfalt heilbrigðiskerfi að verða til á Íslandi“ … „Tvöfalt heilbrigðiskerfi, þar sem hinir efnameiri geta keypt betri og skjótari þjónustu …“

Örugglega … eins og það sé skipulagt. Ertu fyrst að fatta það núna Óli?“