Twilight stjarnan Gregory Tyree Boyce er látinn aðeins þrítugur að aldri. Gregory fór með hlutverk Tyler Crowley í vinsælu Twilight-kvikmyndunum.
Gregory og kærasta hans, Natalie Adepoju, voru úrskurðuð látin þann 13. maí síðastliðinn.
Samkvæmt heimildarmanni E! News fundust þau látin á heimili sínu í Las Vegas.
„Greg var klárlega manneskja sem elskaði lífið. Hann var ótrúlega jákvæður og sniðugur. Ég mun sakna hans. Hann var einn af fyndnustu vinum mínum í LA og gerði upplifun mína eftirminnilega,“ sagði annar heimildarmaður E! News.
Gregory og Natalie höfðu verið saman í um það bil ár þegar þau létust. Natalie var 27 ára. Fjölskylda hennar lýsir henni sem „yndislegri dóttur, frænku, systur og vinkonu.“
Gregory skilur eftir sig tíu ára gamla dóttur, Alaya.