Liam Hemsworth komst að því að hann og söngkonan Miley Cyrus væru að skilja á samfélagsmiðlum samkvæmt heimildum Page Six.
Þann 10. ágúst síðastliðinn gaf Miley út yfirlýsingu þar sem hún staðfesti sambandsslitin, en grunur lá á að þau voru hætt saman eftir að söngkonan deildi myndum af sér án giftingahringsins.
„Þau eru í stöðugri þróun, bæði sem par og sem einstaklingar. Þau hafa ákveðið að þetta sé best fyrir þau bæði á meðan þau einbeita sér að framanum og sjálfum sér. Þau munu hugsa um öll dýrin sín í sitthvoru lagi á meðan þau eru aðskilin.“
En þetta voru einnig fréttir fyrir Liam, sem var í Ástralíu á þeim tíma.
Aðeins nokkrum klukkustundum eftir að yfirlýsingin kom út, fóru myndir af Miley og nýju kærustu hennar, Kaitlynn Carter, í birtingu.
Sjá einnig: Miley Cyrus í kossaflensi með nýrri dömu á Ítalíu
Miley gaf út lag um sambandsslitin þann 16. ágúst. Liam tjáði sig ekki opinberlega um skilnaðinn fyrr en nokkrum dögum seinna.
En samkvæmt heimildum kom skilnaðurinn ekki úr heiðskýru lofti. Fyrrverandi parið var búin að vera skilið að borði og sæng í nokkra mánuði og sáust þau bæði án giftingahringsins yfir þann tíma. Heimildarmaður Page Six segir að Liam hafi verið að reyna að bjarga hjónabandinu og var ekki tilbúinn að tilkynna um sambandsslitin.