Leikkonan Teri Hatcher, sem margir kannast við úr Desperate Housewives, varð 55 ára í síðustu viku. Hún opnar sig um heilsu og hreyfingu í nýlegri Instagram-færslu og deilir mynd af sér í bikiní.
„Hreyfing snýst um að líða vel, ekki að líta vel út nakin,“ segir Teri og bætir við að myndin er tekin eftir átta vikna áskorun F45. F45 samanstendur af bæði þrek- og styrktaræfingum og er hver æfing í 45 mínútur.
„Þannig af hverju að deila mynd af mér í bikiníi? Tja, þetta er minn sannleikur og að vera í þessum 55 ára líkama er frelsandi. Hér er málið, ég hef loksins fundið út hvernig mér á að líða vel í eigin skinni. Kannski ekki á hverjum degi, en oftast,“ segir hún.
„Með aldrinum verður tilgangur þinn skýrari og maður lærir fyrir hvern og hvað maður er þakklátur. Þegar þú ert orðinn nógu gömul til að sjá hvað lífið er mikið kraftaverk, og nógu ung til að njóta þeirrar vitneskju. Þú getur verið berskjölduð og sterk á sama tíma. Þú getur fyrirgefið öðrum og þér sjálfri. Þú ert tilbúin að gera það sem þarf til að ná markmiði, eða ekki. Og það er í lagi.“
Fyrir Teri þá snýst það um að „gera það mesta úr hverju augnabliki“ og þannig líður henni vel í eigin líkama.
„Fyrir mig er það að deila gleði og jákvæðni, vitneskju sem ég hef safnað að mér í gegnum reynslu og mistök, og að hjálpa að hvetja aðra,“ segir hún.
Hún segir að ástæðan fyrir því að hún hafi deilt bikinímynd er til að opna sig fyrir öðrum og lífinu.
„Enginn filter, enginn farði, ekkert Photoshop og engin neikvæðni. Vertu nógu sterk til að vera berskjölduð.“
Lestu færsluna hennar í heild sinni hér að neðan.
https://www.instagram.com/p/B56FLUEJhU3/