Fyrrverandi körfuboltakappinn, Kobe Bryant eignaðist ásamt eiginkonu sinni, Vanessa Bryant stelpuna Capri Kobe Bryant núna á dögunum, en hann birti mynd af henni á Instagram í morgun.
Capri er fjórða barn Kobe, en fyrir á hann stelpurnar Bianka Bella, Gianna Maria-Onroe og Natalia Diamante.
Athygli vekur að í athugasemdakerfinu undir Instagram-færslunni er mjög mikið um ummæli þar sem Kobe er veitt samúð því hann eignaðist ekki strák. Hér að neðan má sjá nokkur dæmi um slíkar athugasemdir
„Þetta mun ganga betur næst,“
„Það eina sem ég vil í jólagjöf er að þú eignist son… koma svo,“
„Engin strákur,“
„Ó maður, einhver að gefa þessum manni strák!“
„Gæinn ætlar ekki að hætta fyrr en hann eignast lítinn strák,“
„Við viljum strák,“
„0-4 meistari. Skyttur skjóta, haltu áfram að skjóta,“
„Verkefnið mistókst, gengur betur næst,“
Magn ummæla sem snúast um að kyn barnsins á neikvæðan hátt verða að teljast furðulega mörg, en ástæðuna má líklega rekja til ársins 2017 en þá sagði Kobe í viðtali að Vanessa, eiginkona hans hefði áhuga á að eignast strák.
En þegar Bryant var spurður út í stríðni frá vinum sínum sagði hann „Vinir mínir segja að það þurfi alvöru mann til að eignast strák, þá segi ég, gaur, það þarf kóng til að eignast stelpu,“
