Söngkonan Bríet Ísis Elfar og gítarleikarinn Rubin Pollock eru nýjasta stjörnupar Íslands. Bríet vakti fyrst athygli í Iceland Got Talent og var valin bjartasta vonin á Íslensku tónlistarverðlaununum árið 2019. Rubin er gítarleikari íslensku hljómsveitarinnar Kaleo sem nýtur vinsælda um heim allan. DV lék forvitni á að vita hvernig þau eiga saman ef litið er til stjörnumerkjanna.
Bríet er Hrútur og Rubin er Vog. Hrúturinn er mjög ákveðinn og öruggur. Hann er þekktur fyrir að láta hlutina gerast. Vogin er ólík Hrútnum. Hún er óákveðin og vill hafa jafnvægi á öllum sviðum lífsins.
Þó svo að Vogin sé orkumikil eins og Hrúturinn þá brýst orkan öðruvísi út. Það tekur Vogina lengri tíma að aðlagast og hún fer rólega í hlutina. Það getur verið viss áskorun fyrir Hrútinn og Vogina að vera í sambandi. En eftir að Hrúturinn og Vogin hafa uppgötvað hvort annað, þá er ekkert sem heldur þeim hvoru frá öðru.
Bæði merkin eru rómantísk. Þetta er parið sem þú sérð ganga saman í vinnuna, elda saman eða skiptast á að fara með barnið í skólann. Ef allt gengur vel verður parið fyrirmynd annarra para.
22. mars 1999
Hrútur
7. október 1990
Vog