Ráðalaus karlmaður á fimmtugsaldri sér eftir að hafa farið frá kærustunni sinni. Hann fór frá henni fyrir tveimur árum fyrir konu sem deilir ástríðu hans á rússíbönum.
„En ég gerði stór mistök. Við höfðum verið saman í tvö ár, ég er 41 árs og hún er 38 ára,“ segir maðurinn í bréfi sínu til Dear Deidre, kynlífs- og sambandsráðgjafa The Sun.
„Ég hef elskað rússíbana allt mitt líf og farið í skemmtigarða um allan heim. Fyrrverandi kærasta mín hataði þá. Sambandið okkar var slæmt og hún var ekki að veita mér neina athygli þannig ég sagði henni upp.
Þegar skemmtigarðarnir opnuðu aftur byrjaði ég að hitta konu sem er meðlimur í sama rússíbana-aðdáendaklúbb og ég. Hún er 44 ára og aðlaðandi, en það er enginn neisti á milli okkar. Ef eitthvað er þá hefur hún látið mig sjá hversu mikið ég sakna fyrrverandi kærustunnar minnar. Ég hef reynt að hafa samband við hana en hún svarar mér ekki.
Hvernig get ég fengið hana aftur?“
Deidre segir við manninn:
„Kannski geturðu það, kannski ekki. Áhugaleysi hennar og sú staðreynd að þú byrjaðir strax í sambandi með annarri konu sýnir að sambandið sé kannski bara búið. Fyrrverandi kærasta þín er ekki að svara þér og þú getur ekki látið hana finna fyrir einhverju sem hún gerir ekki. Það er kominn tími til að sætta sig við að þetta er búið.“