Caitlin er listnemi sem býr í New York. Hún var á leiðinni heim úr vinnu seint eitt kvöld þegar hún sá karlmann kynferðislega áreita stelpu í neðanjarðarlestinni.
Karlmaðurinn var hávær og var einnig að snerta kynfæri sín, Metro greinir frá.
Caitlin ákvað að sitja ekki þegjandi og lét manninn heyra það. Hún tók samskiptin upp á myndband og deildi þeim á samfélagsmiðlinum TikTok. Í kjölfarið fór myndbandið eins og eldur í sinu um netheima og hafa fleiri fjölmiðlar, eins og BuzzFeed, fjallað um málið.
„Af hverju ertu að horfa svona á mig og skipta þér af mér?“ Spyr maðurinn.
„Hvað ætlastu til að ég geri þegar þú ert að tala um typpið þitt við ókunnuga konu?“
„En af hverju ertu að pæla í því, það er ekki mikilvægt,“ segir þá maðurinn.
„Þú ert að kynferðislega áreita hana og ég ætla ekki að leyfa þér að gera það, það er ekki í lagi. Þú heldur greinilega að það sé í lagi en það er það ekki,“ segir Caitlin.
Maðurinn segir henni að nota ekki orðið „kynferðislega áreita.“ Hann spyr síðan hvort hún sé femínisti.
„Ef það er það sem ég þarf að vera til að segja þér að hætta að áreita aðra manneskju þá já.“
@lilbluzipooi was actually shocked at how it actually fit this video… anyways can men actually start calling out other men for shitty behavior cuz it scares me♬ Tounge Tied – Grouplove
Um 2500 manns hafa skrifað við myndbandið og hrósað Caitlin fyrir að svara manninum.
Í öðru myndbandi segir Caitlin að hún hafði ekki náð að ræða stelpuna sem varð fyrir barðinu á manninum. „Mér líður mjög illa yfir því. Ég vildi athuga hvort hún væri í lagi og vildi vera viss um að ég hefði ekki gert aðstæðurnar verri fyrir hana. En við náðum augnsambandi nokkrum sinnum, þannig vissi ég að hún var í vandræðum því hún var alltaf að horfa til mín. Þá tók ég af mér heyrnartólin og heyrði hvað hann var að segja. Ég man ekki hvort við náðum augnsambandi á meðan rifrildinu stóð því ég vildi ekki beina athygli hans aftur að henni,“ segir Caitlin.