Broadway leikarinn Nick Cordero er látinn, 41 árs að aldri. Hann lætur eftir sig eiginkonu, Amöndu Kloots og soninn Elvis.
Cordero var lagður inn á gjörgæslu fyrir rúmum 4 mánuðum síðan. Þá gátu læknar ekki staðfest hvort lungnabólgu lík einkenni hans væru kórónuveiran eða ekki þar sem fyrstu próf reyndust neikvæð. Nokkrum dögum seinna var staðfest var að Cordero var með COVID-19.
Ástand Nicks versnaði stöðugt á þeim mánuðum sem hann lá á gjörgæslu og var honum á endanum haldið sofandi. Veiran olli miklum fylgikvillum í líkama Cordero og fékk hann hættulega sýkingu sem leiddi til þess að blóðflæði til útlima hans var ekki nægilegt. Taka þurfti hægri fótlegg Corderos af.
Kona leikarans , Amanda Kloots staðfesti andlát Cordero í yfirlýsingu á Instagram. Þar skrifaði Kloots „Guð hefur fengið annan engil til sín í himnaríki. Elsku eiginmaður minn lést í morgun. Hann var umkringdur ást og fjölskyldu sinni sem söng og bað fyrir honum er hann yfirgaf þessa jörð. Ég trúi þessu ekki og mér verkjar allsstaðar. Hjarta mitt er brotið og ég get ekki ímyndað mér líf okkar án hans. Nick var svo bjart ljós. Hann var vinur allra, elskaði að hlusta, hjálpa og tala. Hann var frábær leikari og tónlistarmaður. Hann elskaði fjölskyldu sína og elskaði að vera faðir og eiginmaður. Elvis og ég munum hans sakna hans alltaf, alla daga.“
https://www.instagram.com/p/CCSBM89Axt_/