„Ég reyndi að brosa í gegnum þetta og skemmta gestum okkar. Ég hafði aldrei verið eins einmana á ævinni,“ segir Amber Heard, fyrrverandi eiginkona Johnny Depp um brúðkaupsnótt þeirra. The Sun segir frá.
Heard hefur sakað Depp um misnotkun, bæði líkamlega og með orðum. Heard og Depp kynntust árið 2009 við tökur á myndinni The Rum Diary. Þau byrjuðu saman árið 2011 og giftu sig árið 2015. Heard segir að Depp hafi byrjað að beita hana ofbeldi þegar þau giftu sig. Í dagskrá brúðkaupsins kom fram að eftir matinn væri dansleikur, eiturlyf og tónlist.
Samkvæmt Heard hefur Depp oft hótað henni lífláti. Hjónin skildu árið 2017 eftir að Heard ásakaði Depp um misnotkun.