Mittið á raunveruleikastjörnunni Kim Kardashians virðist hafa náð ævintýralegri smástærð og er nú svo komið að aðdáendur hafa vænt stjörnuna um að hafa látið fjarlægja rifbein til þess að fá mjórra mitti. Heat World greinir frá þessu í dag en upphaf áhyggjanna má rekja til myndar sem stjarnan birti á Instagram í dag af sér í korseletti sem þrengir óhuggulega mikið að mitti hennar. Myndina segir hún vera frá því á síðasta ári og sé hún tekin í London við undirbúning fyrir Met Gala ballið.J
Aðdáendur stjörnunnar lýsa margir yfir óhug í athugasemdum undir myndinni og spyrja hana hvort hún geti andað í korselettinu og hvort hún hafi látið fjarlægja rifbein.
Kim hefur lengi vel lýst yfir dálæti sínu á svokölluðum waist trainers eða mittisþjálfum sem eru mjög þröng magabelti sem krækt eru yfir kviðinn en hart er deilt um hvort slík belti séu hreinlega hættuleg heilsu fólks. Kim lýsti því yfir í fjölmiðlum á síðasta ári eftir Met Gala þar sem hún klæddi korselettinu sem nú er enn á ný verið að hneykslast yfir að hún hefði þurft að læra öndunartækin til þess að klæðast aðhaldsfatnaðnum á ballinu eftirsótta.
Kim hefur ekki sent frá sér yfirlýsingu í kjölfar ásakana um rifbeinsmálið svokallað en nokkuð ljóst þykir að líkami hennar er orðin nokkuð afbakaður.