Athafnamaðurinn Fjölnir Þorgeirsson og Margrét Magnúsdóttir, skrifstofustjóri RÚV, eiga von á barni. DV lék forvitni á að vita hvernig þau passa saman ef litið er til stjörnumerkjanna.
Margrét er Fiskur en Fjölnir er Krabbi. Bæði merkin eru umburðarlynd og full af samkennd. Krabbinn og Fiskurinn tengjast sterkum tilfinningaböndum, venjulega um leið og þau líta á hvort annað. Krabbinn skilur viðkvæma hlið Fisksins betur en nokkur annar. Krabbinn er skapandi og hugmyndaríkur. Fiskurinn smitast af þessari einstöku orku sem geislar af Krabbanum.
Styrkleiki Fisksins er að opna augu Krabbans fyrir andlegum málefnum, þar sem Krabbinn getur verið aðeins of hrifinn af því efnislega. Þegar Fiskurinn verður hræddur þá gleymir hann gjarnan að segja sannleikann. Það er því gott að Krabbinn er ekki ágengur þar sem svar Fisksins yrði líklegast ósatt. Þó svo að Krabbinn og Fiskurinn sjái fyrir sér ólík heimili, þá ná þau markmiðum sínum ef þau vinna saman. Tenging þeirra er djúp og það þarf ansi mikið til að setja hana úr jafnvægi.
1. mars 1984
Fiskur
27. júní 1971
Krabbi