Félagsleg einangrun vegna COVID-19 eykur hættuna hjá þolendum heimilisofbeldis. Erfiðara er fyrir þolendur að leita sér hjálpar og hafa gerendur nú meiri möguleika til að fylgjast með og stjórna þolendum.

Sjá einnig: Skelfileg aukning á heimilisofbeldi samhliða COVID-19 faraldrinum – Tvöfalt fleiri morð en venjulega

„Merki til hjálpar“ (e. signal for help) er handamerki sem þolendur heimilisofbeldis geta notað í myndsímtali til að láta vita að þeir séu beittir ofbeldi eða finnst þeim ógnað. Handamerkið er hluti af nýrri herferð kanadískra kvennasamtakanna, Canadian Women‘s Foundation, gegn heimilisofbeldi.

Myndband þar sem er sýnt hvernig merkið er notað hefur vakið mikla athygli og farið á dreifingu um samfélagsmiðla. Fjöldi fjölmiðla, á borð við Refinery29 og Mirror, hafa einnig fjallað um merkið.

Í myndbandinu má sjá konu spyrja vinkonu sína um uppskrift að bananabrauði. Það sést í karlmann á bak við hana. Síðan heldur konan upp hendinni með flatan lófann, leggur þumalinn inn í lófann og kreppir hnefann yfir þumalinn.

@forsure7######♬ original sound – forsure7

Ofbeldismenn fylgjast oft með snjallsímum og raftækjum þolandans. Það er því erfitt að senda skilaboð og leita hjálpar. Merkið er leið til að láta vita án þess að skilja eftir rafræna slóð.

„Ef ég sé merkið í símtali þá veit ég að ég á að fara til manneskjunnar og kíkja örugglega á hana,“ segir varaforseti samtakanna, Andrea Gunraj, við Refniery29.

„Merkið er leið til að segja: „Ég sé þig, ég ætla að hjálpa þér.“ Það er mjög mikilvægt að þessi skilaboð dreifist sem víðast, því við viljum að allir skilji hvernig þeir geta hjálpað ef þeir sjá það.“

Handamerkið gæti bjargað lífi einhvers og þess vegna er mikilvægt að sem flestir þekkja það.

Þolendur heimilisofbeldis geta leitað sér aðstoðar hjá eftirtöldum aðilum: