Rebecca og Luke hafa verið saman í þrjú ár og koma fram í nýjum þætti af Love Don‘t Judge. Luke var greindur með úttauga og vöðvasjúkdóm (nemaline myopathy) þegar hann var átján mánaða gamall. Í dag er hann 28 ára og hans helsta áhugamál er að spila hjólastólafótbolta (e. powerchair football).
Þau kynntust þegar Rebecca var að horfa á fótboltaleik og Luke var að keppa.
„Ég var að horfa á hann spila og mér fannst hann bara svo kynþokkafullur. Ég spurði stelpu sem sat við hliðina á mér: „„Vá er það ekki kynþokkafullt hvernig hann spilar í sokkum og virkar ljúfur en er í raun mjög aggresífur á vellinum?“ Hún horfði á mig eins og ég væri eitthvað klikkuð,“ segir Rebecca.
Það höfðu margir efasemdir í upphafi sambands þeirra, meðal annars Luke sjálfur.
„Ég óttaðist að fötlun mín myndi á einhvern hátt koma í veg fyrir að samband okkar gengi upp,“ segir Luke.
„Ég hef fengið mikið af óviðeigandi spurningum um getu Luke til að vera til staðar fyrir mig sem maki og mér finnst það mjög furðulegt, því ég hefði haldið að við sem samfélag værum betri en þetta.“
Vinir og fjölskylda þeirra beggja höfðu einnig áhyggjur. En nú, þremur árum seinna hefur það sannað sig að sambandið er traust og ástin sterk.
Horfðu á þáttinn í heild sinni hér að neðan.
