TCHIIN er nýr samfélagsmiðill fyrir þá ríku, frægu og fallegu. Þetta gefur elítunni nýjan vettvang til að flagga fína lífsstílnum sínum, sýna snekkjurnar, sportbílana og hönnunarfatnaðinn. Það fylgja einnig ýmsir kostir því að vera á TCHIIN, eins og að það er þjónn (e. butler) til þjónustu reiðubúinn allan sólarhringinn. The Sun greinir frá.
Sjá einnig: Sjáðu hvernig ríku krakkar Instagram tækla kórónuveiruna
Á TCHIIN er einnig þjónusta sem aðstoðar notendur að leigja einkaþotu eða Lamborghini sportbíl, panta borð á Michelin-veitingastöðum og gistingu á fimm stjörnu hótelum.
Það kostar 79 þúsund krónur á mánuði að vera meðlimur TCHIIN en miðað við notendur forritsins, sem eru átta þúsund talsins, virðist verðmiðinn ekki vera of hár. Fótboltamaðurinn Tiemoue Bakayoko og fyrrverandi Barcelona fótboltastjarnan Dani Alves eru meðal notenda TCHIIN.
Það getur ekki hver sem er fengið aðgang að miðlinum, aðeins útvaldir. En hver sem er getur skoðað myndirnar og færslunar.
TCHIIN var hannað af viðskiptamanninum Luvien Ndabagera, 25 ára, ásamt Peter Kianicka, 37 ára, og Filip Volarik, 20 ára, sem vildu búa til forrit fyrir hina ofur-ríku.
„TCHIIN er aðeins fyrir útvalda. Þetta er lífsstíll,“ segir Lucien við The Sun.
Sjá einnig: Svona var sumarfrfí ríku krakkana á Instagram