Karlmaður leitar til Dear Deidre, kynlífs- og sambandsráðgjafa The Sun. Hann er að hugsa um að skilja við eiginkonu sína því hún fékk sér tattú á framhandlegginn.
„Ég hata tattú. Sérstaklega á konum,“ segir maðurinn.
Hann og eiginkona hans hafa verið gift í tólf ár og eiga þrjár dætur saman.
„Þegar við kynntumst fyrst sýndi hún mér tattú sem hún var með á lærinu. Ég sagði henni að ég hataði tattú en ég myndi reyna að komast yfir það, þar sem tattúið kom á undan mér,“ segir hann og heldur áfram:
„Við erum bæði 35 ára og fyrir nokkrum vikum síðan sagði hún mér að henni langaði í nýtt tattú. Hún sýndi mér myndina sem henni langaði að fá, af einhverjum ljótum svani. Hún gat ekki útskýrt af hverju henni langaði í þetta tattú. Við rifumst heiftarlega og hún fór síðan á tattústofuna með vinkonu sinni. Ég hata tatttúið og hvernig hún virðir ekki tilfinningar mínar. Ég held að þetta séu endalok hjónabands okkar.“
Deidre segist skilja hvernig manninum líður. Hún hvetur hann til að skoða hjónabandið frá öðrum hliðum.
„Þetta er hennar líkami og hún hefur rétt á því að fá sér tattú, en þið eruð gift og þínar tilfinningar ættu einnig að skipta máli. Hvernig er hjónabandið ykkar annars? Finnst ykkur gaman að verja tíma saman? Eða er þetta eins og síðasta hálmstráið í hjónabandi ykkar?“