Börn ríka og fræga fólksins hafa það nokkuð gott í samkomubanninu. Allt frá Mercedes barnabílum til upphitaðra sundlauga og lítlla kofa að andvirði 1,8 milljón króna.
Stjörnurnar nota sóttkvína til að dekra við börnin sín og hér má sjá nokkur dæmi um börn sem hafa það betur en við. The Sun greinir frá.
Tveggja ára dóttir Kylie Jenner, Stormi, er stoltur eigandi Mercedes bíls með einkanúmerið „Stormi 2“. Bíllinn er alveg eins og bíll móður hennar.
Á meðan við Íslendingar vonumst eftir tólf stiga hita og að rokið hætti í korter þá hefur Stormi það notalegt í Kaliforníu með útisundlaug og fallegan hvítan kofa.
Sjá einnig: Kylie Jenner keypti hús á 5,4 milljarða
Börnum fyrrum Apprentice keppandans, Luisu Zissman leiðist alveg örugglega ekki. Luisa býr í Hertfordshire-höfðingjasetrinu með seinni eiginmanni sínum, milljónamæringnum Andrew Collins, og dætrum sínum þremur. Þær eru eru Dixie, níu ára, Indigo, þriggja ára, og Clementine, tveggja ára.
Stúlkurnar hafa það mjög gott þessa dagana. Ef þær eru ekki að fara á bak smáhesta þá eru þær að borða ís í sundlaug eða renna sér niður upphitaða vatnsrennibraut.
Ekki nóg með það. Á lóðinni er einkaleikvöllur með klifurvegg og trampólíni. Svo er auðvitað glæsilegt leikherbergi á höfðingjasetrinu með risastórum prinsessurúmum. Hljómar frekar vel.
Khloe Kardashian hélt upp á tveggja ára afmæli dóttur sinnar, True, á meðan samkomubannið stóð yfir.
Þó svo að hún gæti ekki boðið til heljarinnar veislu, eins og Kardashian systur eru þekktar fyrir, þá var engu til sparað. Risastórar blöðrur, tvö veski þakin kristölum sem kostuðu samtals 1,5 milljónir og einka ísbúð svo dæmi séu tekin.
Einkadóttir Tamöru Ecclestone hefur það notalegt í samkomubanninu í 12 milljarða króna höfðingjasetri á móti Kensington-höllinni í London.
Tamara er Formúlu 1-erfingi og þegar hún keypti húsið réði hún 50 starfsmenn til að þrífa húsið og þjóna fjölskyldunni. Dóttir hennar, Fifi, er sex ára og á sitt eigið litla hús í bakgarðinum sem er eftirmynd af höfðingjasetrinu. Húsið kostaði um 1,8 milljón krónur.
Ekki nóg með það þá er stórt leiksvæði inn í höfðingjasetrinu með rennibrautum, göngum og öllu öðru sem barn gæti óskað sér. Og að sjálfsögðu er sundlaug í bakgarðinum.
Að sjálfsögðu þurfum við að hafa börn Kim Kardashian og Kanye West með. Heimili fjölskyldunnar er mjög minimalískt. Leikherbergið er á tveimur hæðum og svo er hvert barn með eigið herbergi. Herbergi North West, elstu dóttur hjónanna, er bleik paradís.
Nýlega sýndi Kim frá leikherbergi barnanna sinna. Þar er lítil rennibraut, trommusett, rugguhestar og tugi bangsa og dúkka.