Barnastjarnan fyrrverandi, Alexandria Cimoch, lék einn af þríburum Phoebe í sjónvarpsþáttunum vinsælu, Friends. Hún kom fram í fjórðu og fimmtu þáttaröð árin 1998 og 1999.
Alexandria vakti athygli á þessari staðreynd á samfélagsmiðlinum TikTok. Aðdáendur þáttanna voru í sjokki yfir leyndarmálinu sem hún afhjúpaði um þættina og hversu skuggalega lík hún er sjónvarpsmóður sinni, Lisu Kudrow. The Sun greinir frá.
Í þáttunum er Phoebe staðgöngumóðir fyrir bróðir sinn, Frank Jr. og eiginkonu hans Alice. Hún verður ólétt af þríburum. Alexandria Cimoch og bræður hennar fóru með hlutverk nýfæddra tvíburanna árið 1998. Systkinin komu einnig fram í næstu þáttaröð árið 1999.
Í þáttunum eignast Phoebe tvær stelpur og einn strák sem fá nöfnin Leslie, Chandler og Frank Jr Jr. En það var Alexandria og þrír bræður hennar sem fóru með hlutverk þríburanna.
Eins og fyrr segir greindi Alexandria frá hlutverki sínu í myndbandi á TikTok. Yfir 2,7 milljón manns hafa horft á myndbandið og vakti útlit hennar mikla athygli.
„Ótrúlegt hvað hún er lík Phoebe,“ skrifaði einn netverji.
„Þú ættir að skíra barnið þitt Phoebe,“ skrifaði annar.
„Þetta er ótrúlegt, þú ert meira að segja frekar lík Lisu Kudrow,“ skrifaði sá þriðji.